The news is by your side.

Advertisement

جمائما اسمتھ کا پاکستانیوں سے شادی بیاہ کے گانے سے متعلق سوال

وزیراعظم عمران خان کی سابقہ اہلیہ جمائما گولڈ اسمتھ نے پاکستان میں شادی بیاہ کے دوران بہترین پاپ گیت کے بارے میں سوال کرلیا۔

وزیراعظم عمران خان کی سابقہ اہلیہ جمائما گولڈ اسمتھ نے سماجی رابطے کی ویب سائٹ ٹویٹر پر پاکستانیوں سے سوال کیا کہ شادی پر چلانے کے لیے آج کل پاکستان کا بہترین پاپ گانا کون سا ہے؟

جمائما کے سوال پر ٹویٹر صارفین کی جانب سے بھی مختلف گانوں کا بتایا جارہا ہے۔

کسی نے کہا ’لٹھے دی چادر گائیں‘ کسی نے مزاحیہ انداز میں ’تبدیلی آئی رے‘ کا نام لے دیا تو کسی نے ’ووٹ کو عزت دو‘ والا گانا چلانے کی فرمائش کردی۔

یہاں جمائما سے ایک سوال صارفین کی جانب سے یہ بھی پوچھا جارہا ہے کہ کس کی شادی میں گانا چلانا ہے؟

مزید پڑھیں: جمائما گولڈ اسمتھ کو پاکستانی ’رکشے‘ کی تلاش

واضح رہے کہ اس سے قبل وزیراعظم کی سابقہ اہلیہ جمائما گولڈ اسمتھ کو اپنی فلم کے لیے لندن میں ایک ایسے رکشے کی تلاش تھی جو پاکستانی اسٹائل کا ہو۔

رکشے کے لیے جمائما گولڈ اسمتھ نے برطانیہ میں مقیم پاکستانیوں سے مدد مانگی تھی۔

واضح رہے کہ جمائما کی جانب سے یہ واضح نہیں کیا گیا تھا کہ انہیں کس فلم کے لیے پاکستانی رکشے کی ضرورت تھی تاہم کچھ ماہ قبل برطانوی پروڈیوسر نے اعلان کیا تھا کہ وہ جلد ہی فلم بنانے کا ارادہ رکھتی ہیں جس کی شُوٹنگ کا آغاز ہوگیا ہے۔

Comments

یہ بھی پڑھیں