کوئٹہ: وزیراعلیٰ بلوچستان جام کمال نے بلوچستان عوامی پارٹی کی صدارت سے دستبردار ہونے کا اعلان کردیا۔
اے آر وائی نیوز کے مطابق جام کمال کی زیر صدارت بلوچستان عوامی پارٹی (بی اے پی) کے رہنماؤں کا اجلاس ہوا، جس میں انہوں نے صدارت چھوڑنے کا اعلان کیا۔
وزیراعلیٰ بلوچستان نے صدارت سے دستبردار ہونے کا اعلان کرتے ہوئے کہا کہ بلوچستان عوامی پارٹی کا پہلا صدر ہونا میرے لیے باعثِ فخر ہے، پارٹی نے اعلیٰ جمہوری اقدار کا مظاہرہ کیا۔
I would ask BAP central Organiser Mr Jan jamali and Mr Manzoor Kakar GS of BAP to have a meeting and annouce BAP party elections at earliest.
Alhamdulillah served a good three year as party president and relinquish from my party presidentship post today. pic.twitter.com/nPbkr9OOls
— Jam Kamal Khan (@jam_kamal) October 1, 2021
اُن کا کہنا تھا کہ بی اے پی میں کارکنان کا جو مقام ہے وہ کسی اور سیاسی جماعت میں نہیں ہے۔ انہوں نے پارٹی آرگنائزرز کا اجلاس بلا کر پارٹی انتخابات کرانے کی ہدایت بھی کی۔
انہوں نے کہا کہ ’میں نے 3سال پارٹی کوبہترین انداز میں چلایا، انشااللہ بی اےپی بلوچستان میں مزید بڑھےگی، امید ہے نوجوان اور نئےاراکین پارٹی کی بنیاد کو مزید مضبوط بنائیں گے، امیدہے رفتہ رفتہ موقع پرست بی اے پی کی صفوں سے نکل جائیں گے‘۔
مزید پڑھیں: وزیراعلیٰ جام کمال کے استعفے سے متعلق ترجمان بلوچستان حکومت کی وضاحت
یہ بھی پڑھیں: چیئرمین سینیٹ کا دورہ بلوچستان کام کرگیا
واضح رہے کہ بلوچستان کی اپوزیشن اور حکومت کی اتحادی جماعت نے وزیراعلیٰ جام کمال کے خلاف عدم اعتماد کی تحریک ایوان میں جمع کرائی تھی۔ تحریک عدم اعتماد چار نکاتی چارج شیٹ پر مشتمل تھی جس پر حزب اختلاف کے 16 اراکین کے دستخط تھے جبکہ اپوزیشن جماعت نے دعویٰ کیا تھا کہ اتحادی جماعت کے اراکین بھی قرارداد کی حمایت میں ہے۔
وزیراعلیٰ کے خلاف عدم اعتماد کی تحریک کو واپس لینے یا ناکام بنانے کے لیے چیئرمین سینیٹ اور سینیٹر سرفراز بگٹی بلوچستان پہنچے، جہاں انہوں نے سیاسی جماعتوں کے رہنماؤں سے ملاقاتیں بھی کیں تھیں۔
