جماعت اسلامی کی آزاد کشمیرریلی لیاقت باغ سے بھارتی سفارت خانے روانہ -
The news is by your side.

Advertisement

جماعت اسلامی کی آزاد کشمیرریلی لیاقت باغ سے بھارتی سفارت خانے روانہ

اسلام آباد : جماعت اسلامی کی جانب سے مظلوم کشمیریوں کے خلاف بھارتی فوجیوں کے مظالم کے خلاف آزاد کشمیر ریلی کا آغاز لیاقت باغ سے آغاز ہو گیا ہے جو فیض آباد و آب پارہ سے ہوتی ہوئی بھارتی سفارت خانے پر ختم ہو گئی جہاں پر ریلی کے شرکاء یادداشت پیش کریں گے۔

تفصیلات کے مطابق جماعت اسلامی کی آزاد کشمیر ریلی اپنے ابتدائی مقام لیاقت باغ روانہ ہو گئی ہے ریلی کی قیادت امیر جماعت اسلامی سراج الحق کر رپے ہیں،ریلی میں گاڑیوں، بسوں اور موٹر سائیکلوں پر سوار کارکن شریک، شرکا کی بھارت کے خلاف نعرے بازی کر رہے ہیں ریلی مری روڈ پر فیض آباد،آبپارہ سے ہوتی ہوئی بھارتی سفارتخانے جاکرختم ہو گی۔

دوسری جانب حکومت نے ریلی کے شرکاء کو بھارتی ہائی کمیشن جانے سے روکنے کے لیے ریڈ زون کو کنٹینرز لگا کر سیل کردیا گیا ہے، انتظامیہ نے ریڈ زون کے باسیوں کے لیے متبادل ٹریفک پلان بھی جاری کر دیا، ریڈ زون کو سرینا ہوٹل ، نادرا چوک ، ایم این ایز ہاسٹل اور مارگلہ ہوٹل کے قریب سے بند کر کے ٹریفک پولیس نے ریڈ زون میں میں داخلے کے لیے ہدایت نامہ بھی جاری کر دیا ہے جس کے مطابق پارلیمنٹ ، ایوان صدر سے باہر نکلنے والی ٹریفک مارگلہ روڈ استعمال کرتے ہوئے فیصل ایونیو سے باہر نکل سکے گی جبکہ سیکٹر جی ، ایف اور سیون سکیٹروں سے نکلنے والے سیونتھ ایونیو کے ذریعہ کشمیر ہائی وے کو استعمال کرسکیں گے۔

مری سے لاہور ، پشاور موڑ جانے والے کشمیر چوک ، فیض آباد ، فیصل ایونیو کا راستہ استعمال کرسکتے ہیں ۔ سرینا ہوٹل سے سہروردی اور کشمیر ہائی وے سیونتھ ایونیو تک شاہراہیں دوپہر تین بجے کے بعد بند ہوں گی۔

امیر جماعت اسلامی نے ریلی کی شرکاء کو روکنے کی کوشش کو بزدلانہ عمل قرار دیتے ہوئے کہا ہے کہ حکومت کے اوچھے ہتھکنڈے ہمیں کشمیریوں کی حمایت سے نہیں روک سکتے ہم ہر صورت بھارتی سفارتخانے کے سامنے احتجاج ریکارڈ کروائیں گے۔

Comments

comments

یہ بھی پڑھیں