The news is by your side.

Advertisement

جماعت الاحرار صرف افغانستان میں‌ہے، حکومت کارروائی کرے، دفتر خارجہ

اسلام آباد: ترجمان دفتر خارجہ نفیس زکریا نے کہا ہے کہ جماعت الاحرار صرف افغانستان میں موجود ہے اور وہی سے بیٹھ کر دہشت گرد پاکستان میں حملوں کی منصوبہ بندی کرتے ہیں۔

اسلام آباد میں میڈیا بریفنگ دیتے ہوئے ترجمان دفترخارجہ نے کہا کہ اے پی ایس سمیت متعدد دہشتگردحملوں کی منصوبہ بندی افغانستان میں ہوئی، افغان حکومت نے شکایات کے باجود دہشت گردوں کے خلاف کوئی کارروائی نہیں کی۔

انہوں نے کہا کہ جماعت الاحرار صرف افغانستان میں موجود ہیں، پاکستان الاحرار سمیت تمام دہشت گرد تنظیموں کے خلاف کارروائی دیکھنا چاہتا ہے، افغان حکومت ہماری تشیویش دور کرے اس دہشت گردی کے خلاف کارروائی میں پڑوسی ملک کے ساتھ ہر قسم کا تعاون کریں گے۔

دوسری جانب سیکرٹری خارجہ اعزاز چوہدری نے اسلام آباد یونیورسٹی میں تقریب سے خطاب میں کہا کہ داعش کے لوگ افغانستان میں جمع ہو چکے ہیں جوپاکستان بھی آسکتے ہیں۔

سیکریٹری خارجہ نے مزید کہا کہ پاکستان سمیت دنیا کو دہشت گرد عناصر سے خطرہ ہے، داعش سے منسلک افراد افغانستان اور پاکستان کے قریبی علاقوں میں رہائش پذیر ہیں اُن کے خاتمے کے لیے بارڈرمینجمنٹ کی ضرورت ہے۔

Print Friendly, PDF & Email

Comments

comments

یہ بھی پڑھیں