The news is by your side.

Advertisement

ڈونلڈ ٹرمپ صدارت کےمنصب کےلیےنااہل ہیں‘ جیمزکومی

واشنگٹن : ایف بی آئی کے سابق سربراہ جیمزکومی کا کہنا ہے کہ ڈونلڈ ٹرمپ اخلاقی طور پرامریکہ کے صدر رہنے کے قابل نہیں ہیں۔

تفصیلات کے مطابق امریکی تفتیشی ادارے ایف بی آئی کے سابق سربراہ جیمز کومی نے ڈونلڈ ٹرمپ کو صدارت کے منصب کے لیے نا اہل قرار دیتے ہوئے کہا کہ وہ ایسے شخص ہیں جن کے لیے سچائی کی اہمیت نہیں ہے۔

جیمزکومی کا کہنا تھا کہ ہمارے ملک کے صدر کو ان اقدار کا حامل ہونا چاہیے جو ہمارے ملک کا خاصہ ہیں جن میں سب سے اہم سچائی ہے اور ڈونلڈ ٹرمپ اس پرپورا نہیں اترتے۔

ایف بی آئی کے سابق سربراہ جیمزکومی کے انٹرویو پرردعمل دیتے ہوئے امریکی صدر ڈونلڈ ٹرمپ نے سماجی رابطے کی ویب سائٹ ٹویٹرپراپنے پیغام میں جیمز کومی پرجھوٹ بولنے کا الزام لگایا۔

خیال رہے کہ اس سے قبل امریکی صدر نے ٹویٹرپراپنے پیغام میں کہا تھا کہ خراب تبصرے والی کتاب سے بڑے سوالات پیدا ہوتے ہیں، انہوں نے جمیز کومی کو قید کیے جانے کی جانب اشارے کیے۔

ڈونلڈ ٹرمپ نے ایف بی آئی ڈائریکٹر کو عہدے سے ہٹا دیا

یاد رہے کہ 10 مئی 2017 کوامریکی صدر ڈونلڈ ٹرمپ نے وفاقی تفتیشی ادارے ایف بی آئی کے ڈائریکٹر جیمز کومی کوعہدے سےبرطرف کر دیا تھا۔

ڈونلڈ ٹرمپ نےقائم مقام اٹارنی جنرل سیلی یٹس کوبرطرف کردیا

واضح رہے کہ گزشتہ سال جنوری میں ڈونلڈٹرمپ نےامریکی قائم مقام اٹارنی جنرل سیلی یٹس کومسلم ممالک پرپابندی کےحکم نامے کےدفاع سےانکارکرنے پرعہدے سے برطرف کردیاگیاتھا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں