The news is by your side.

Advertisement

جمیل اختر چیئرمین کے پی ٹی کے عہدے پر مستقل بحال

اسلام آباد: ریئر ایڈمرل (ر) جمیل اختر کو اسلام آباد ہائی کورٹ نے چیئرمین کے پی ٹی کے عہدے پر مستقل طور پر بحال کر دیا۔

اے آر وائی نیوز کے مطابق جمیل اختر کی بطور چیئرمین کراچی پورٹ ٹرسٹ معطلی کے کیس کی آج اسلام آباد ہائی کورٹ کے چیف جسٹس اطہر من اللہ نے سماعت کی، حکومت نے تحریری جواب پیش کرتے ہوئے جمیل اختر کی برطرفی کا نوٹیفکیشن واپس لے لیا، جس پر عدالت نے کیس نمٹاتے ہوئے جمیل اختر کو عہدے پر مستقل طور پر بحال کر دیا۔

قبل ازیں، جمیل اختر کی جانب سے عدالت میں راجہ ظہورالحسن اور اشتر اوصاف ایڈووکیٹ پیش ہوئے، جب کہ وفاق کی جانب سے اٹارنی جنرل عدالت میں پیش ہوئے، عدالتی حکم پر سیکریٹری میری ٹائم بھی عدالت میں پیش ہوئے۔

چیف جسٹس نے کیس کی سماعت کرتے ہوئے کہا اٹارنی جنرل صاحب آپ منسٹر صاحب کو کہیں اداروں کے معاملات میں مداخلت نہ کریں، کے پی ٹی کے معاملات میں غیر قانونی طریقہ اپنایا گیا، ہر ادارہ قانون کے مطابق چلے تو مداخلت کی نوبت نہیں آئے گی۔

راجہ ظہور الحسن نے عدالت کو بتایا کہ جمیل اختر کی تعیناتی 2017 میں 3 سال کے لیے کی گئی تھی، چیئرمین کے پی ٹی کی برطرفی کابینہ ڈویژن کے علم میں لائے بغیر کی گئی، انھیں شو کاز نوٹس جاری کیے بغیر عہدے سے برطرف کیا گیا۔

دریں اثنا، وفاق کی جانب سے عدالت میں تحریری جواب پیش کر کے برطرفی کا نوٹیفکیشن واپس لیا گیا، جس پر اسلام آباد ہائی کورٹ نے کیس نمٹا دیا۔

Comments

یہ بھی پڑھیں