jamshed-dasti پی ٹی آئی جمشید دستی کی رہائی کیلئے کوشاں، وکلاء کو ہدایات جاری
The news is by your side.

Advertisement

جمشید دستی کی رہائی، پی ٹی آئی کی وکلاء کو ہدایات جاری

اسلام آباد: پی ٹی آئی نے جمشید دستی کی رہائی کیلئے درخواست ضمانت دائر کرنے کا فیصلہ کرلیا، بابر اعوان نے قانونی ٹیم کو ضروری ہدایات دے دیں۔

تفصیلات کے مطابق ڈنگا کینال کھولنے کے جرم میں گرفتار رکن قومی اسمبلی جمشید دستی کو پاکستان تحریک انصاف نے رہائی دلانے کیلئے درخواست ضمانت دائرکرنے کا فیصلہ کیا ہے۔

اس حوالے سے پی ٹی آئی کے رہنما ڈاکٹر بابر اعوان ایڈووکیٹ نے اپنی قانونی ٹیم کو ضروری ہدایات بھی جاری کردی ہیں۔

ڈاکٹر بابر اعوان نے صحافیوں سے گفتگو میں بتایا کہ جمشید دستی نے اپنے وکلا کے ذریعے خصوصی پیغام بھجوایا ہے، ان کی رہائی کیلئے پیرکو درخواست ضمانت دائر کی جائے گی۔

ان کاکہنا تھا کہ کل پی ٹی آئی کے وکلا کو جمشید دستی سے ملاقات کی ہدایت کی گئی تھی، 5رکنی قانونی کمیٹی نے ڈسٹرکٹ جیل سرگودھا میں جمشید دستی سے ملاقات کرکے دیگر تفصیلات حاصل کیں۔


مزید پڑھیں: تشدد کیا جارہا ہے، 6 دن سے بھوکا ہوں، جمشید دستی


 بابر اعوان کے مطابق 40منٹ کی ملاقات میں جمشید دستی سے وکالت نامہ بھی حاصل کیا گیا، انہوں نے کہاکہ جیل حکام کو جمشید دستی پر تشدد سے باز رہنے کا کہا گیا ہے۔

Comments

comments

یہ بھی پڑھیں