The news is by your side.

Advertisement

جان محمد جمالی حلف نہ اٹھا سکے

کوئٹہ: میر جان محمد جمالی بلا مقابلہ اسپیکر بلوچستان اسمبلی منتخب ہو گئےہیں تاہم طبیعت کی ناسازی کے باعث وہ آج حلف نہیں اٹھا سکے۔

تفصیلات کے مطابق جان محمد جمالی بلوچستان اسمبلی کے اسپیکر منتخب ہو گئے، اس منصب کے لیے کسی اور رکن کے کاغذات جمع نہیں ہوئے تھے، پانچوں کاغذات نامزدگی جان محمد جمالی کے لیے جمع کرائے گئے تھے۔

قبل ازیں، اسپیکر کے انتخاب کے لیے بلوچستان اسمبلی کا اجلاس قائم مقام اسپیکر بابر موسیٰ خیل کی زیر صدارت ہوا، انھوں نے رولنگ دی کہ جان محمد جمالی کے کاغذات درست پائے گئے۔

واضح رہے کہ جان محمد جمالی طبیعت کی ناسازی کے باعث آج حلف نہیں اٹھا سکے، اسپیکر کے انتخاب کے بعد بلوچستان اسمبلی کا اجلاس غیر معینہ مدت کے لیے ملتوی کر دیا گیا۔

عبدالقدوس بزنجوبلا مقابلہ وزیراعلیٰ بلوچستان منتخب

خیال رہے کہ اسپیکر بلوچستان اسمبلی کی خالی نشست کے لیے بلوچستان عوامی پارٹی (بی اے پی) نے سینئر رہنما اور رکن صوبائی اسمبلی میر جان محمد جمالی کو نامزد کیا تھا۔

جان محمد جمالی صوبے کے سینئر سیاست دانوں میں سے ایک ہیں، وہ 1998 میں وزیر اعلیٰ بلوچستان بھی رہے، 2006 میں ڈپٹی چیئرمین سینیٹ کے فرائض بھی انجام دے چکے ہیں، وہ اس سے قبل 2013 میں بھی اسپیکر بلوچستان اسمبلی کے عہدے پر خدمات انجام دے چکے ہیں۔

اسپیکر بلوچستان کی نشست عبدالقدوس بزنجو کے استعفے کے بعد خالی ہوئی ہے، عبدالقدوس بزنجو نے گزشتہ روز وزیر اعلیٰ بلوچستان کے منصب کا حلف اٹھایا۔

Comments

یہ بھی پڑھیں