The news is by your side.

Advertisement

جاپانی حکومت کا ماحول دوست توانائی کے حصول کیلئے بڑا فیصلہ

جاپانی سائنسدان سمندری ہوا سے توانائی کے حصول کیلئے کوشاں ہیں، جس کیلئے وہ سال2050تک زیرو کاربن اخراج کے ہدف کو مکمل کرنے کے منصوبے پر عمل پیرا ہیں۔

اس حوالے سے حکومتی عہدیداروں کا کہنا ہے کہ جاپان سمندری ہوا سے توانائی حاصل کرنے کی اپنی گنجائش بڑھا کر 2030ء تک ایک کروڑ کلو واٹس کرنا چاہتا ہے۔

جاپان 2040ء تک اس استعداد کو 3 کروڑ سے چار کروڑ 50 لاکھ کلو واٹس تک لے جانے کا خواہاں ہے جو30 سے زائد بڑے تھرمل بجلی گھروں کی پیداوار کے مساوی ہے۔

ماحول دوست مستقبل کیلئے سمندری ہوا سے توانائی کا حصول جاپانی کوششوں کا محور ہوگا، اسے زمینی ہوا کی توانائی کے مقابلے میں زیادہ مستحکم اور باکفایت سمجھا جاتا ہے۔

غیر ملکی خبر رساں ادارے کے مطابق کاروباری ادارے سمندری ہوا سے تھرمل توانائی کی نسبت زیادہ سستی بجلی بنانے میں مدد دینے کیلئے ٹیکنالوجی پر کام کررہے ہیں۔

Comments

یہ بھی پڑھیں