ٹوکیو: طبی ماہرین خبردار کیا ہے کہ آئندہ ہفتے جاپان میں فلو سے متاثرہ کیسز کی تعداد میں ہوشربا اضافہ ہوگا۔
غیر ملکی میڈیا رپورٹ کے مطابق جاپان کے متعدی امراض کے ایک ماہر نے نشاندہی کی کہ آئندہ چند ہفتوں میں جاپان میں انفلُوئینزا کی بیماری اپنے عروج پر پہنچ سکتی ہے۔
جاپانی حکام نے بتایا کہ قومی ادارہ برائے متعدی امراض کے مطابق ملک بھر کے تقریباً پانچ ہزار طبی اداروں نے خبردار کیا ہے کہ اتوار تک مجموعی طور پر 51 ہزار سے زیادہ افراد انفلُوئینزا کے مرض میں مبتلا ہوئے ہیں، اِن ایام میں فلُو کے مریضوں کی فی طبی ادارہ تعداد 10.36 رہی۔
توہو یونیورسٹی کے پروفیسر تاتیدا کازُوہیرو کا کہنا ہے کہ فلُو وائرس کے پھیلاؤ کی رفتار میں کچھ کمی آئی ہے لیکن انفیکشنز عموماً فروری میں عروج پر پہنچتے ہیں۔
یہ بھی پڑھیں: برڈ فلو کی نئی وبا پھیلنے کے بعد جاپان کا اہم فیصلہ
انہوں نے محتاط رہنے کی ایڈوائزری کے مطابق آئندہ چار ہفتوں میں انفلُوئینزا وائرس بڑے پیمانے پر پھیل سکتا ہے۔
پروفیسر تاتیدا نے لوگوں پر زور دیا کہ وہ آنے والے ہفتوں میں محتاط رہیں اور چہرے پر مناسب ماسک پہننے جیسے حفاظتی اقدامات کریں۔
واضح رہے کہ جاپان میں بڑد فلو کی وبا نے تباہی مچارکھی ہے جس کے باعث گزشتہ سال اکتوبر سے اب تک تقریباً 99 لاکھ 80 ہزار پرندے تلف کیے جا چکے ہیں۔
