The news is by your side.

جاپان نے آخری لمحات میں پانسہ پلٹ دیا، جرمنی کو شکست

دوحا: فیفا ورلڈکپ دوہزار بائیس کا دوسرا اپ سیٹ، جاپان نے چار بار کی عالمی چیمپئن جرمنی کو ڈرامائی انداز میں شکست دے دی۔

تفصیلات کے مطابق دوحا کے خلیفہ انٹرنیشنل اسٹیڈیم میں کھیلے گئے گروپ ای کے میچ میں جاپان نے میچ کے آخری لمحات میں محض 8 منٹوں کے دوران یکے بعد دیگرے گول کرتے ہوئے جرمنی کے ارمان کو خاک میں ملادیا۔

جرمنی نے کھیل کے پہلے ہاف کے 33 ویں منٹ میں پیلنٹی کی مدد سے جاپان کے خلاف گول اسکور کیا، جرمنی کی جانب سے فیفا ورلڈکپ کا پہلا گول ایکی گنڈوگان نے درج کرایا۔Imageپہلے ہاف کے اختتام تک جرمنی کو ایک گول کی برتری حاصل رہی۔

یہ بھی پڑھیں: مراکش کا عمدہ کھیل، کروشیا کے خلاف میچ برابر

کھیل کے دوسرے ہاف میں بھی جرمنی نے دفاعی انداز اپناتے ہوئے بیشتر وقت کھیل کو مخالف ٹیم کے گول پوسٹ میں کھیلتے گزارا اس دوران مزید برتری حاصل کرنے کی کوشش کی گئی جسے جاپانی ڈیفنڈرز نے ناکام بنایا۔Imageکھیل کے 75 ویں منٹ میں جاپانی اسٹرائیکر رٹسودوان نے عمدہ گول کرتے ہوئے میچ کو برابر کردیا، محض 8 منٹ کے بعد جاپانی کھلاڑی ٹاکومااسانو نے اپنی ٹیم کی جانب سے دوسرا گول اسکور کرتے ہوئے ٹیم کو ایک گول کر برتری دلادی۔

میچ کے اختتامی لمحات میں جرمنی نے جارحانہ کھیل پیش کرتے ہوئے گول کرنے کی کئی کوششیں کی، مگر تمام بے سود ثابت ہوئیں۔

Comments

یہ بھی پڑھیں