The news is by your side.

Advertisement

جاپان کا پاکستانی سرکاری ملازمین کے لیے بڑا اعلان

اسلام آباد : جاپان نے پاکستانی سرکاری ملازمین کے لئے 50 کروڑ80 لاکھ روپے کی اسکالر شپ فراہمی کا اعلان کردیا اور اس حوالے سے دونوں ممالک کے درمیان معاہدہ طے پاگیا ہے۔

تفصیلات کے مطابق پاکستان میں ہیومن ریسورس ڈویلپمنٹ کیلئے جاپان حکومت نے گرانٹ کا اعلان کردیا، جاپان سرکاری ملازمین کیلئے 50 کروڑ80 لاکھ روپے کے اسکالر شپس مہیا کرے گا۔

پاکستان اور جاپان کے درمیان پاکستان میں ہیومن ریسورس ڈویلپمینٹ کے لیے گرانٹ کی فراہمی کا معاہدہ طے پاگیا، پروجیکٹ کی دستاویزات پر دستخط کی تقریب وزارت اقتصادی امور میں ہوئی، جس میں پاکستان میں جاپان کے سفیرمستوداکونی نوری اورسیکرٹری اقتصادی امورڈویژن نوراحمد نے دستخط کئے۔

جس میں قوتِ افرادی ڈویلپمنٹ پروگرام جائیکا کے ذریعے ترتیب دیا گیا ہے، پروگرام میں پبلک ایڈمنسٹریشن میں دوسالہ ماسٹر اور 3سالہ پی ایچ ڈی کی ڈگری شامل ہیں۔

پروگرام کے تحت سرکاری ملازمین کو کورونا کے بعد انتظامی امور سر انجام کی تربیت دی جائے گی۔

سیکرٹری اقتصادی امور نے اسکالر شپس کی فراہمی پر جاپان کی حکومت کا شکریہ اداکیا۔

یاد رہے جاپان نے پاکستان کو کروناوائرس کے خلاف جنگ میں 2.5 ارب روپے کی گرانٹ کی توسیع کردی تھی ، جاپانی سفیر کا کہنا تھا کہ امداد سے پاکستانی عوام کو عالمی وبا کے خلاف لڑنے میں مدد ملے گی، مدد سے معیشت کی بحالی کے پاکستان کی صلاحیت کو تقویت ملے گی۔

Comments

یہ بھی پڑھیں