The news is by your side.

Advertisement

ایران امریکا تنازعہ، جاپان کا مشرق وسطی میں قیام امن کے لیے ہر ممکن کوششوں کا عزم

ٹوکیو: ایران اور امریکا کے درمیان تنازعے کے پیش نظر جاپان نے مشرق وسطی میں قیام امن کے لیے ہر ممکن کوششوں کے عزم کا اظہار کیا ہے۔

تفصیلات کے مطابق جاپان نے موقف اختیار کیا ہے کہ ایران سے تعلقات کی بدولت خطے میں قیام امن کے لیے کسی کوشش سے دریغ نہیں کریں گے۔

غیر ملکی خبر رساں ادارے کے مطابق جاپان نے کہا ہے کہ ان کا ملک ایران کے ساتھ دوستانہ اور دیرینہ تعلقات کی بدولت خطے میں قیام امن کے حوالے سے کسی بھی کوشش سے دریغ نہیں کرے گا۔

حکومت کے ترجمان یوشیہیدا سوگا نے صحافیوں کے ساتھ گفتگو کرتے ہوئے کہا کہ جاپان کے ایران کے ساتھ تعلقات دوستانہ اور دیرینہ ہیں اور یہ تعلقات جاپان کے لیے انتہائی اہم ہیں۔

جاپانی حکومت کے ترجمان نے مشرق وسطی کی حالیہ صورت حال کی جانب اشارہ کرتے ہوئے کہا کہ ان کا ملک ایران کے ساتھ دوستانہ اور دیرینہ تعلقات کی بدولت خطے میں قیام امن کے حوالے سے کسی بھی کوشش سے دریغ نہیں کرے گا۔

انہوں نے کہا کہ جاپان کے ایران اور امریکا کے ساتھ اچھے تعلقات ہیں اور وہ مشرق وسطی میں قیام امن میں ہر ممکن کوشش کرے گا۔

دوسری جانب امریکی صدر اس وقت جاپان کے چار روزہ دورے پر ہیں، ٹرمپ ٹوکیو میں موجود ہیں، ان کی اہلیہ میلانیا ٹرمپ بھی ان کے ساتھ ہیں، امریکی صدر ٹوکیو کے ہانیڈا ہوائی اڈے پہنچے، تو جاپانی وزیر خارجہ نے ان کا استقبال کیا تھا۔

امریکی صدر چار روزہ دورے پر جاپان پہنچ گئے

یاد رہے کہ جاپانی وزیر اعظم کا ایران کا اہم دورہ جون کے وسط میں‌ متوقع ہے، البتہ اس ضمن میں‌ اب تک کسی تاریخ کا اعلان نہیں کیا گیا ہے۔

Comments

comments

یہ بھی پڑھیں