The news is by your side.

جاپان میں ریکارڈ توڑ گرمی، بجلی کا سنگین بحران

ٹوکیو: ایشیائی ملک جاپان ان دنوں کا شدید گرمی کی لپیٹ میں ہے، اس دوران دارالحکومت ٹوکیو میں گرمی کا 147 سالہ ریکارڈ ٹوٹ گیا ہے۔

غیر ملکی میڈیا کے مطابق جاپان کے دارالحکومت ٹوکیو میں درجہ حرارت 37 ڈگری سینٹی گریڈ تک پہنچ گیا ہے، محکمہ موسمیات نے گرمی کی لہر آئندہ چند روز تک برقرار رہنے کی پیش گوئی کی ہے۔

ہیٹ ویو سے متاثرہ 13 شہریوں کو اسپتال منتقل کیا گیا جبکہ کم از کم دو افراد ہیٹ اسٹروک سے ہلاک ہوگئے ہیں۔

دوسری جانب ریکارڈ توڑ گرمی کی لہر کی وجہ سے جاپان میں بجلی کے بحران کا خدشہ پیدا ہوگیا ہے حکام کا کہنا ہے کہ گرمی کی وجہ سے بجلی کی فراہمی پر دباؤ میں اضافہ ہوا ہے۔ جاپان کی حکومت نے عوام سے درخواست کی ہے کہ وہ کم بجلی استعمال کریں۔

بجلی کے بحران سے بچنے کیلئے جاپانی پاور کمپنیاں بند کیے گئے تھرمل پاور پلانٹس کو دوبارہ شروع کرنے کی تیاری کر رہی ہیں جبکہ ری ایکٹرز کو دوبارہ فعال کرنے سمیت متبادل توانائی کے ذرائع کے اضافی استعمال کا مطالبہ کیا جا رہا ہے۔

Comments

یہ بھی پڑھیں