The news is by your side.

Advertisement

آرمی چیف سے جاپان کے خصوصی مشیر برائے امور خارجہ کی ملاقات

اسلام آباد: آرمی چیف جنرل قمر جاوید باجوہ سے جاپانی وزیر اعظم کے خصوصی مشیر برائے امور خارجہ کی ملاقات ہوئی، ملاقات میں باہمی دلچسپی کے امور اور علاقائی سیکیورٹی کی صورتحال پر بات چیت ہوئی۔

تفصیلات کے مطابق پاک فوج کے شعبہ تعلقات عامہ (آئی ایس پی آر) کا کہنا ہے کہ جاپانی وزیر اعظم کے خصوصی مشیر برائے امور خارجہ نے جی ایچ کیو کا دورہ کیا۔

اس موقع پر آرمی چیف جنرل قمر جاوید باجوہ سے ان کی ملاقات ہوئی۔ ملاقات میں باہمی دلچسپی کے امور اور علاقائی سیکیورٹی کی صورتحال پر بات چیت ہوئی۔

ملاقات میں باہمی تعلقات کو مزید وسعت دینے کے عزم کا اعادہ کیا جبکہ خطے میں امن اور سیکیورٹی کے وسعت دینے پر بھی اتفاق ہوا۔

اس سے قبل امریکی سینیٹر لنزے گراہم نے جی ایچ کیو کا دورہ کیا تھا جہاں آرمی چیف جنرل قمر جاوید باجوہ سے ان کی ملاقات ہوئی۔

ملاقات میں افغان امن عمل سمیت خطے کی سیکیورٹی صورتحال پر تبادلہ خیال کیا گیا۔ امریکی سینیٹر نے امن و استحکام کے لیے پاکستان کی کاوشوں کو سراہا تھا۔

Comments

یہ بھی پڑھیں