ٹوکیو : جاپان نے پانچ مختلف چیزوں کو کرونا وائرس کا معاون قرار دیتے ہوئے عوامی آگاہی مہم شروع کردی تاکہ کرونا کی دوسری لہر کے پھیلاو سے بروقت بچا جاسکے۔
غیر ملکی خبر رساں ادارے کی رپورٹ کے مطابق دنیا بھر میں کرونا وائرس کی دوسری لہر پھیلی ہوئی ہے تاہم کچھ ممالک اب بھی دوسری لہر کی لپیٹ میں آنے سے بچے ہوئے ہیں جن ایک جاپان بھی ہے اور جاپانی حکومت دوسری لہر سے بچنے کےلیے عوامی آگاہی مہم بڑھانے پر کام کررہی ہے۔
حکومت نے جانب سے عوام کو پانچ طرح کی صورتحال کو انفیکشن کا خطرہ بڑھانے کا موجب قرار دیتے ہوئے کہا ہے کہ ملک میں موجود غیر ملکی باشندوں کو بھی معاونت فراہم کرنے کا منصوبہ تیار کیا گیا ہے۔
حکومت کا کہنا ہے کہ سماجی اجتماعات، شراب نوشی، کام کی جگہوں پر گھلنا ملنا، تمباکو نوشی اور تنگ جگہ پر مختلف افراد کا رہنا انفیکشن بڑھنے کا باعث بن سکتا ہے۔
میڈیا رپورٹس میں بتایا گیا ہے کہ حکومت کو غیر ملکیوں میں موجود انفیکشنز کے کلسٹرز پر تشویش کا اظہار کرتے ہوئے کہا ہے کہ انہیں کرونا اور انفیکشن سے متعلق معلومات تک رسائی میں کس طرح مدد فراہم کی جائے۔