The news is by your side.

Advertisement

جاپان میں آئی ٹی اور نرسنگ کیئر میں روزگار کے مواقع ، پاکستانیوں کیلئے بڑی خبر آگئی

اسلام آباد : جاپانی سفیر کا کہنا ہے کہ جاپان کو آئی ٹی اورنرسنگ کیئر میں تربیت یافتہ افرادکی اشد ضرورت ہے، پاکستانی اپلائی کر  سکتے ہیں جبکہ زلفی بخاری نے کہا حکومتی سرپرستی میں 3روزہ جاب فیئر منعقد کیا جا سکتا ہے۔

تفصیلات کے مطابق معاون خصوصی زلفی بخاری سے پاکستان میں تعینات جاپانی سفیر کوننوری ماتسودا کی ملاقات ہوئی ، ملاقات میں تربیت یافتہ افرادی قوت کو جاپان میں روزگار فراہم کرنے پربات چیت کی گئی اور پاکستان میں حکومتی سرپرستی میں 3روزہ جاب فیئرکرانے کی تجویز زیر غور آئی۔

جاپانی سفیر نے کہا کہ جاپان کو آئی ٹی اورنرسنگ کیئر میں تربیت یافتہ افرادکی اشد ضرورت ہے، پاکستان میں آئی ٹی کی تربیت یافتہ افرادی قوت اپلائی کر سکتی ہے۔

جاپانی سفیر نے کورونا وائرس پر کامیابی سےقابو پانے پر پاکستان کو مبارکباد دیتے ہوئے کہا عمران خان نےسب سےپہلےصدرجاپان کی صحت پر نیک خواہشات کا اظہار کیا، زیر اعظم پاکستان کا پیغام جاپان میں بہت خوش آئند سمجھاگیا، جاپان کے صدر نے بھی اس کا اظہار اپنےٹوئٹ میں کیا۔

معاون خصوصی زلفی بخاری کا کہنا تھا کہ جاپانی سفیرکی نیک تمنائیں وزیراعظم عمران خان تک پہنچاؤں گا، پاکستان کی 65 فیصد آبادی 35 سال سے کم ہے، ہنر مند افرادی قوت کےجاپان میں روزگار سے پاکستان میں ترقی ہوگی، کورونا کی وجہ سے ہنرمند افراد کو جاپان بھیجنے میں رکاوٹیں ہوئیں۔

زلفی بخاری نے مزید کہا جاپان میں افرادی قوت بھیجنامیری اولین ترجیح ہے، پاکستان کویت اورسعودی عرب میں سیکڑوں نرسنگ سٹاف بھیج رہا ہے، فوری طور پر 4ہزار نرسنگ اسٹاف جاپان بھی بھیج سکتے ہیں، حکومتی سرپرستی میں 3روزہ جاب فیئر منعقد کیا جا سکتا ہے، جاپانی کمپنیز پاکستان میں جاب فیئر میں حصہ لیں۔

دوسری جانب وفاقی وزیر اسد عمر نے بھی پاکستان میں مقیم جاپان کے سفیر سےملاقات کی ملاقات میں دو طرفہ تعلقات،کوروناکےبعدکی صورتحال میں معاشی تعاون پر تبادلہ خیال کیا گیا۔

جاپانی سفیر نے تعاون کوفروغ،مشترکہ مقاصد یقینی بنانے کی خواہش کا اظہار کرتے ہوئے کہا پاکستان نےکورونا پر قابوپانے کاجومنظم طریقہ اپنایاوہ قابل ستائش ہے، جاپانی شہری کورونا کے وقفے کے بعد مختلف اسائنمنٹس لینے واپس آرہے ہیں، کچھ جاپانی سرمایہ کار اپنی صنعت کوپاکستان منتقل کرنے میں دلچسپی رکھتے ہیں۔

وفاقی وزیراسد عمر نے اقتصادی تعاون بڑھانے کے لئے سفیر کی کاوشوں کوسراہتے ہوئے کہا حکومت نے ابتدائی طور پرمائیکرواقتصادی استحکام پرتوجہ دی،جوحاصل بھی ہوئیں ، حکومت کی اولین ترجیح ملک کوترقی کی راہ پر گامزن کرنا ہے۔

اسد عمر کا کہنا تھا کہ معاشی اشارے مثبت ہیں،نجی شعبے کی سرمایہ کاری کوبھی فائدہ پہنچاناچاہتےہیں، پاکستانی،جاپانی سرمایہ کاروں کو اشتراک کے امکانات کاجائزہ لینا چاہئے۔

Comments

یہ بھی پڑھیں