جڑانوالہ : پنجاب میں پولیس نے عورت کا روپ دھار کر دھوکہ دینے والے مرد کو گرفتار کرلیا، ملزم تعلیم یافتہ اور میک اپ آرٹسٹ ہے۔
تفصیلات کے مطابق جڑانوالہ کے علاقے ڈاکخانہ بازار کے تھانہ سٹی پولیس نے بیوٹی پارلر سے ایک ملزم کو حراست میں لیا ہے جس پر الزام ہے کہ وہ عورت کے روپ میں خواتین کا میک اپ کرتا تھا۔
پولیس نے خفیہ اطلاع ملنے پر بیوٹی پارلر پر چھاپہ مار کر عبایہ میں ملبوس نقاب پوش ملزم کو حراست میں لیا اور مزید تفتیش کیلئے تھانے منتقل کردیا۔
جڑانوالہ میں اے آر وائی نیوز کے نمائندے ملک نعیم وفا نے مزید بتایا کہ پولیس کے مطابق ملزم کا نام ارسلان ہے اور اس نے ایف ایس سی تک تعلیم حاصل کی ہے۔
پولیس نے ملزم ارسلان کیخلاف دھوکہ دہی کا مقدمہ درج کرکے باقاعدہ عدالت میں پیش کردیا ہے۔
Comments
- Advertisement -
