جڑانوالہ: فیصل آباد کے علاقے جڑنوالہ میں افسوسناک واقعہ پیش آیا ہے، جہاں رشتے کےتنازعے پر باپ بیٹے سمیت تین افراد جاں بحق ہوگئے ہیں۔
مقامی پولیس کے مطابق فائرنگ کا واقعہ رشتہ نہ دینے کے باعث پیش آیا، واقعے کی مزید تفصیلات بیان کرتے ہوئے پولیس نے بتایا کہ ملزم ذیشان مقتول مشتاق کی بیٹی سے شادی کرنا چاہتا تھا، مشتاق نہ رشتہ دینے سے انکار کیا، جس پر مبینہ ملزم نے ساتھیوں کے ہمراہ مقتول مشتاق کے گھر میں فائرنگ کردی۔
پولیس کا کہنا ہےکہ فائرنگ کے نتیجے میں مشتاق، اس کا ایک بیٹا جاں بحق ہوگئے، فائرنگ کے دوران مبینہ ملزم ذیشان کا ایک ساتھی بھی زخمی ہوا جو اسپتال منتقلی کے دوران دم توڑ گیا۔
پولیس کا کہنا ہے کہ فائرنگ کے بعد ملزم ذیشان مقتول مشتاق کی بیٹی کو اغوا کرکےلےگیاہے، واقعے کی اطلاع ملنے پر جاں بحق افراد کی لاشوں کو جڑنوالہ اسپتال منتقل کیا گیا جہاں ضابطے کی کارروائی جاری ہے جبکہ ملزمان کی تلاش کے لئے پولیس نے ٹیمیں تشکیل دیتے ہوئے تلاش شروع کردی ہے۔
آرپی او فیصل آباد نے جڑنوالہ میں تہرے قتل کا نوٹس لیتے ہوئے رپورٹ طلب کر لی اور ملزمان کی فوری گرفتاری کا حکم دیا ہے۔
