The news is by your side.

Advertisement

امریکی صدر کا داماد میری جیب میں ہے‘محمد بن سلمان

واشنگٹن : سعودی وزیر دفاع نے یو اے ای کے شہزادے زید بن نہیان سے گفتگو کے دوران کہا کہ امریکی صدر ڈونلڈ ٹرمپ کا داماد اور سینئر مشیر ان کی ’جیب‘ میں ہے۔

تفصیلات کے مطابق امریکی صدر ڈونلڈ ٹرمپ کے صدر بننے کے بعد سے ٹرمپ کے داماد اور سعودی عرب کے شہزادے محمد بن سلمان کے درمیان قربت کا مشاہدہ کیا گیا تھا۔ جیرڈ کشنر نے محمد بن سلمان کو ان شہزادوں کے شہزادوں کے ناموں کی فہرست فراہم کی تھی جو ان سے مخلص نہیں تھے۔

اس حوالے سے بااثر ذرائع کا کہنا تھا کہ محمد بن سلمان نے ابوظہبی کے شہزادے محمد بن زید النہیان سے گفتگو کرتے ہوئے کہا تھا کہ جیرڈ کشنر ’ ان کی جیب‘ میں ہے۔

تاہم جیرڈ کشنرکے ترجمان اِبّی لوویل نے ان تمام خبروں کو ردّ کرتے ہوئے کہا کہ میڈیا کی جانب سے جیرڈ کشنرپرلگائےگئے تمام الزامات بے بنیاد ہیں، اس کا کوئی جواب نہیں دیا جاسکتا۔

خیال رہے کہ امریکی خبررساں ادارے نے ایسے وقت میں رپورٹ شائع کہ ہے جب گذشتہ ہفتے وائٹ ہاؤس نے کشنر کی اعلیٰ امریکی انٹیلی جنس تک رسائی کے لیے سیکیورٹی کلیئرنس کو منسوخ کردیا گیا تھا۔

دوسری جانب جیرڈ کشنر مشرق وسطیٰ کی معلومات جمع کرنے میں ہیں اور وائٹ ہاوس کی جانب سے اسرائیل اور فلسطین کے درمیان مذکرات طے کروانے کے لیے خصوصی ٹاکس دیا گیا ہے۔


سعودی عرب امریکا سے ایک ارب ڈالر مالیت کا اسلحہ خریدے گا


جیرڈ کشنر کی محمد بن سلمان سے ملاقات کے بعد گذشتہ سال نومبر میں محمد بن سلمان نے سعودی عرب میں کرپشن کے خلاف مہم شروع کی تھی، جس میں ولید بن طلال سمیت درجنوں سعودی شہزادوں، تاجروں اور سینئر حکام کو حراست میں ریاض کے عالیشان ہوٹل میں قید کیا گیا تھا جبکہ کچھ افراد نے سعودی حکومت کو بھاری رقوم کی ادائیگی کے بدلے اپنی رہائی حاصل کی تھی۔

سعودی بادشاہ سلمان اور شہزادے محمد کے ان اقدامات کا خیر مقدم کرتے ہوئے امریکی صدر ڈونلڈ ٹرمپ کا سماجی رابطے کی ویب سائٹ ٹویٹر پر اپنے میں کہنا تھا کہ ’مجھے سعودی عرب کے بادشاہ سلمان اور شہزادے محمد بن سلمان پر اعتماد ہے اور وہ بخوبی جانتے ہیں کہ وہ کیا کررہے ہیں‘۔

امریکی صدر ڈونلڈ ٹرمپ کا ٹویٹر کیا گیا ٹویٹ

واضح رہے کہ جیرڈ کشنر ڈونلڈ ٹرمپ کے سینئر مشیر ہیں اور سعودی شہزادے امریکی صدر کی اجازت کے بغیر ناموں کی خفیہ معلومات کا تبادلہ کرنا امریکا کے قوانین کی خلاف ورزی ہے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں