جشن عید میلاد النبیﷺ کی آمد: شہرشہر چراغاں، عاشقان مصطفیٰ کی ریلیوں کا انعقاد -
The news is by your side.

Advertisement

جشن عید میلاد النبیﷺ کی آمد: شہرشہر چراغاں، عاشقان مصطفیٰ کی ریلیوں کا انعقاد

کراچی : سرکار دو عالم صلی اللہ علیہ وسلم کی ولادت با سعادت کا ماہ مبارک شروع ہوتے ہی ملک بھر مین جشن کی تیاریوں کا سلسلہ جاری ہے، ریلیاں نکالی جارہی ہیں اور برقی قمقموں سے روشن کیا جارہا ہے۔

تفصیلات کے مطابق کراچی میں جشن عید میلاد النبی ﷺکی مبارک ساعتوں میں شہر بھر مساجد، شاہراہیں اور سرکاری املاک کو برقی قمقموں سے روشن کردیا گیا جبکہ سبز اور رنگ برنگی جھنڈیوں سے گلیوں کو سجادیا گیا ہے۔

اس کے علاوہ خان پور میں بھی عاشقان مصطفیٰ ﷺ نے تیاریاں شروع کر رکھی ہیں میونسپل کمیٹی کی عمارت سمیت شہر بھر میں اہم عمارات کو برقی قمقموں سے سجایا جا رہا ہے۔

میرپورخاص میں جشن عید میلادالنبی ﷺکے حوالے سے دارلعلوم کنزالایمان اسٹیشن چوک سے میلاد ریلی نکالی گئی، ریلی شہر کے مختلف علاقوں سے ہوتی ہوئی مارکیٹ چوک پر اختتام پذیرہوئی۔

ضلع سانگھڑ کے علاقے شاہ پور چاکر میں بھی شمع رسالت ﷺکے پروانوں نے شہر کو سجانا شروع کردیا اور شہر کی گلیوں اور بازاروں کو سبز جھنڈیوں اور برقی قمقموں سے سجادیا گیا۔

پنڈی بھٹیاں میں جشن عید میلادالنبی ﷺکی خوشی میں موٹر سائیکلوں کی ریلی نکالی گئی، ریلی یانبی کے نعروں اور سبز بینروں جھنڈوں کے ساتھ دربار میاں خیر محمد شہید سے برآمد ہوئی اور دلابھٹی چوک پر درود وسلام کے ساتھ اختتام پذیر ہوئی۔

Comments

comments

یہ بھی پڑھیں