کراچی: شارجہ میں لیجنڈری بیٹسمین جاوید میانداد کے تاریخی چھکے کو 34 سال مکمل ہوگئے۔
تفصیلات کے مطابق شارجہ میں کھیلے جانے والے فائنل مقابلے میں بھارتی فاسٹ بولر چیتن شرما کو جاوید میانداد نے آخری گیند پر چھکا لگایا تھا جس کی یادیں آج تک تازہ ہیں۔
سابق کپتان اور کراچی کنگز کے صدر وسیم اکرم نے ٹویٹ میں انکشاف کیا ہے کہ جاوید میانداد نے جس بلے سے چھکا مارا تھا وہ ان کا تھا۔
سابق کپتان کا کہنا تھا جاوید میانداد نے آسٹرل ایشیا کپ کے فائنل میں بھارتی بولر چیتن شرما کو جس بلے سے چھکا مارا وہ ان کا تھا جو جاوید بھائی نے بیٹنگ کے لیے ان سے لیا تھا۔
Some moments are etched in ur memory and @I_JavedMiandad hit that epic six against India at Sharjah is 1 of them. It’s a piece of cricket beauties. Whenever you watch it, it gives you real joy and tells how great a batsman he was.BTW the bat from which that 6 was hit was mine😀 https://t.co/T90s0uOgN0
— Wasim Akram (@wasimakramlive) April 18, 2020
وسیم اکرم کا کہنا تھا کہ جاوید میانداد کا چھکا کرکٹ کے یادگار لمحات میں سے ایک ہے وہ جب بھی چھکا دیکھتے ہیں مزہ دوبالا ہوجاتا ہے۔
دوسری جانب پی سی بی اور انٹرنیشنل کرکٹ کونسل (آئی سی سی) نے بھی ٹویٹ کے ذریعے تاریخی چھکے کی یاد تازہ کی ہے۔
#OnThisDay 1986. Javed Miandad with the six that broke a billion hearts #Cricket pic.twitter.com/Pf24AqRSYp
— Saj Sadiq (@Saj_PakPassion) April 18, 2020
سماجی رابطے کی ویب سائٹ پر بھی شائقین کرکٹ بھی اس ویڈیو کو آج کے روز دوبارہ دیکھ کر اپنی ماضی کی یادیں تازہ کررہے ہیں۔
