خواتین کیلئے اچھی خبر ہے کہ اس تصویر میں دکھائی گئی سینڈلوں کی جوڑی آپ بھی خرید سکتی ہیں، بشرطیکہ آپ کے پاس دو کروڑ 36 لاکھ ڈالر (تین ارب 86 لاکھ پاکستانی روپے) موجود ہوں۔
اس زنانہ سینڈل کے بیش بہا ہونے کی وجہ یہ ہے کہ اس میں سونے کی پتری لگائی گئی ہے، یہی نہیں سینڈلز کے بیرونی اطراف سو سے زائد چھوٹے ہیرے لگائے گئے ہیں، جبکہ دو بڑے ہیروں سے اس کے حسن مزید دلکشی دے دی ہے۔
اسے دنیا کی سب سے مہنگی سینڈل قرار دیا جارہا ہے، جسے مشہورِ زمانہ ’’جادا دبئی‘‘ اور ’’پیشن جیولرز‘‘ نے مل کر تیار کیا ہے، سینڈل کا نام "پیشن ڈائمنڈ شوز‘‘ رکھا گیا ہے۔
جادا دبئی کی شریک بانی ماریا مجاری کا کہنا ہے کہ ایسی ایک جوڑی کی تیاری میں ان کی کمپنی کو نو مہینے سے بھی زیادہ عرصہ لگا ، جس کی بڑی وجہ اس کا نفیس کام ہے۔
یا د رہے کہ مذکورہ کمپنی اس سے پہلے بھی ہیروں والے مہنگے ترین جوتے تیار کرچکی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں