The news is by your side.

Advertisement

نوازشریف نے میرے والد اور تایا کے قاتل کی پشت پناہی کی، جواد ملک

کراچی: راولپنڈی میں ناصربٹ کے ہاتھوں قتل ہونے والے ملک اکرم کے بیٹے جواد ملک کا کہنا ہے کہ ناصربٹ کے خلاف مقدمہ درج کرایا لیکن والد اور تایا کے قتل پرانصاف نہ ملا۔

تفصیلات کے مطابق راولپنڈی میں ناصربٹ کے ہاتھوں قتل ہونے والے ملک اکرم کے بیٹے جواد ملک نے اے آروائی نیوز سے بات چیت کرتے ہوئے کہا کہ میں نے ناصر بٹ کی وجہ سے پاکستان چھوڑا، ناصربٹ کے خلاف مقدمہ درج کرایا اور کیس بھی چلایا۔

انہوں نے کہا کہ مقدمہ درج ہونے کے باوجود ناصر بٹ آزاد گھومتا ہے، والد اور تایا کے قتل پرانصاف نہ ملا۔

جواد ملک نے کہا کہ انصاف نہ ملنے کے باعث امریکا میں رہتا ہوں اور امریکی شہری ہوں، میری آنٹی اور ان کا بیٹا بھی انصاف نہ ملنے پر امریکا میں مقیم ہیں۔

انہوں نے کہا کہ نواز شریف حکومت نے مایوس کیا، نوازشریف نے میرے والد اور تایا کے قاتل کی پشت پناہی کی، عمران خان سے اپیل کرتا ہوں مجھے انصاف دلائیں۔

مبینہ ویڈیو اسکینڈل، ناصر بٹ کے خلاف درج مقدمات کا ریکارڈ منظرِ عام پر

واضح رہے کہ پاکستان مسلم لیگ ن کی نائب صدر مریم نواز کی جانب سے مبینہ ویڈیو اسکینڈل سامنے آنے کے بعد ناصر بٹ کے خلاف درج مقدمات کا ریکارڈ بھی منظر عام پر آ گیا۔ ناصر بٹ کے خلاف راولپنڈی اور اسلام آباد کے تھانوں میں 14 مقدمات درج ہیں۔

Comments

یہ بھی پڑھیں