جنرل راحیل پاکستانیوں کے لیے خداوند کا تحفہ ہیں، جاوید ہاشمی -
The news is by your side.

Advertisement

جنرل راحیل پاکستانیوں کے لیے خداوند کا تحفہ ہیں، جاوید ہاشمی

ملتان : سینئرسیاستدان مخدوم جاوید ہاشمی نے کہا ہے کہ جمہوریت کوبچانے کے لیے جنگ لڑی ہے قید اورصعوبتیں برداشت کی ہیں،سازشی عناصر نے مجھے الیکشن میں ہرا کر اسمبلی سے باہرکردیا تا کہ آمریت کے خلاف سب سے مضبوط آواز بند ہو جائے۔

اپنی رہائش گاہ کے باہر میڈیا سے بات کرتے ہوئے جاوید ہاشمی کا کہنا تھا کہ کبھی عہدے کے لیے جدو جہد نہیں کی نہ ہی کسی کو عہدہ اور وزارت کے لیے کہا مسلم لیگی تھا اور مسلم لیگی ہی دفن ہوں گا۔

اس موقع پر انہوں نے سیاسی مخالفین کو تنقید کا نشانہ بناتے ہوئے کہا کہ شیخ رشید کی کوئی سیاسی اہمیت نہیں ہے اور تحریک انصاف کوئی سیاسی جماعت نہیں وہ خود کو ایک سیاسی تحریک کہلواتی ہے اور سیاسی تحریک کسی ایک خاص مقصد بنتی ہیں اور جلد تمام ہو جاتی ہیں۔

انہوں نے کہا کہ تحریک انصاف مجمع کا نام ہے جس کی کوئی سیاسی تربیت نہیں ہوئی ہے عمران خان نے اسلام آباد پرکنٹرول کا کہا،خود بنی گالہ میں بیٹھے رہے اور جب عمران خان کارکن اکٹھے نہ کرسکے توشام کو یوم تشکر کا اعلان کردیا۔

مسلم لیگ ن کے سابق رہنما جاوید ہاشمی نے پیشن گوئی کی کہ دسمبرتک پارلیمنٹ بھی رہے گی اور حکومت بھی جب کہ حکومت گرانے والے گوشہ تنہائی کا شکار ہو جائیں گے،پاکستان میں اسمبلیاں5 سال پوری نہیں کرتیں حالانکہ جب اسمبلیاں مدت کریں گی توجمہوریت مضبوط ہوگی،خواہش ہے کہ موجودہ اسمبلی بھی اپنی مدت پوری کرے۔

جاوید ہاشمی نے موجودہ آرمی چیف جنرل راحیل شریف کی تعریف کرتے ہوئے کہا کہ جنرل راحیل پاکستانیوں کے لیے خداوند کا تحفہ ہے، آرمی چیف نے آپریشن ضربِ عضب کے ذریعے پاکستان کوبچایا۔

ایک سوال کے جواب میں انہوں نے کہا کہ نوازشریف سمیت پورے خاندان کا احتساب ہونا چاہیے جب کہ وزیراعظم کو بھی چاہیئے کہ اپنادفاع خودکریں کیوں کہ وزیر اعظم پاناما لیکس پراپنا دفاع بہتر طریقے سے کرسکتے ہیں۔

Comments

comments

یہ بھی پڑھیں