کرکٹ سیریز کیلئےانڈیا کی منتیں نہیں کرنی چاہئیں، مخدوم جاوید ہاشمی -
The news is by your side.

Advertisement

کرکٹ سیریز کیلئےانڈیا کی منتیں نہیں کرنی چاہئیں، مخدوم جاوید ہاشمی

ملتان : سینئر سیاستدان مخدوم جاوید ہاشمی نے کہا ہے کہ پاک بھارت کرکٹ سیریز کے لئے ہماری حکومت کو انڈیا کی منتیں نہیں کرنی چاہئیں۔

ان خیالات کا اظہار انہوں نے ملتان مٰن میڈیا سے گفتگو کرتے ہوئے کیا، جاوید ہاشمی نے کہا کہ رینجرز نے کراچی میں امن قائم کیا ہے انہیں کھل کر کام کرنے دینا چاہیئے۔ رینجرز کو بھی چاہیے کہ وہ جن لوگوں کو بھی پکڑے ٹھوس شواہد کے ساتھ پکڑے تا کہ عوام میں ان کا اعتماد برقرار رہے۔

ایک سوال کے جواب میں ان کا کہنا تھا کہ مسلم لیگ(ن) میں جانے کا میں نے ابھی کوئی فیصلہ نہیں کیا ہے، تحریک انصاف کے مستقبل کے بارے میں اپنی رائے کا اظہار کرتے ہوئے جاوید ہاشمی کا کہنا تھا کہ عمران خان اپنے آپ کو ختم کرنے کے لئے خود ہی کافی ہیں ان کو چاہیئے کہ وہ اپنی پارٹی کو خود منظم کریں۔

ڈکٹیٹر شپ کی سوچ سے پی ٹی آئی کو نقصان پہنچے گا، جاوید ہاشمی نے کہا کہ بھارت اگر سمجھتا ہے کہ وہ امریکہ کے ذریعے ہمارے نیوکلئیر پروگرام کو ختم کر سکتا ہے تو اس کی سوچ غلط ہے۔

Comments

comments

یہ بھی پڑھیں