The news is by your side.

Advertisement

بھارتی اداکارہ نے خود کشی سے قبل کیا کہا ؟

بنگلور : خود کشی کرنے والی بھارتی اداکارہ جے شری رمیا نے اپنی موت سے قبل سوشل میڈیا پر ایک لائیو سیشن کیا تھا جس میں انہوں نے کئی چونکانے والے انکشاف کئے تھے۔

اس دوران انہوں نے یہ تک کہہ دیا تھا کہ وہ ڈپریشن سے جنگ نہیں لڑ سکتیں اور اسی وجہ سے انہیں مرنے کی خواہش ہے۔

بتایا جا رہا ہے کہ گزشتہ کافی وقت سے کام نہیں ملنے کی وجہ سے جے شری رمیا کافی پریشان تھیں جس کا ذکر انہوں نے اپنے دوستوں سے بھی کیا تھا، وہ بگ باس سیزن 3 کا حصہ تھیں۔

جے شری رمیا کا اپنے ایک لائیو سیشن میں کہنا تھا کہ میں اقتصادی طور پر مضبوط ہوں لیکن ڈپریشن میں رہتی ہوں۔ میں بہت سارے پرسنل مسائل سے گزر رہی ہوں۔ مجھے بچپن میں دھوکہ دیا گیا ہے اور اسے اب تک دور کرنے میں میں ناکام ہوں۔

اداکارہ نے اپنے حال ہی میں کی گئی ایک فیس بک پوسٹ پر کھل کر بات کی جس کی وجہ سے ان کے مداح کافی پریشان ہوگئے تھے۔ جےشری رمیا نے سبھی سے درخواست کی کہ وہ ان کے بارے میں بات کرنا بند کردیں۔

اداکارہ نے لائیو سیشن کو یہ کہتے ہوئے ختم کر دیا تھا کہ میں ایک ہاری ہوئی لڑکی ہوں جسے موت کی ضرورت ہے۔ ابھی میں صرف یہی امید کر رہی ہیں میں ایک اچھی لڑکی نہیں ہو، مہربانی کرکے  پلیز، پلیز، پلیز  مجھے مرنے دیں۔

واضح رہے کہ  کرناٹک سنیما کی مشہور اداکارہ اور بگ باس کنڑ کی سابق کنٹیسٹنٹ جےشری رمیا25جنوری کو اپنے گھر میں مردہ پائی گئی تھیں، بنگلور میں واقع ان کی رہائش گاہ پر ان کی لاش چھت سے لٹکی ہوئی ملی تھی۔

Comments

یہ بھی پڑھیں