site
stats
بزنس

جوائنٹ کوآرڈینیشن کمیٹی کا اجلاس 29 دسمبر کو چین میں

بیجنگ: سی پیک سے متعلق جوائنٹ کو آرڈینیشن کمیٹی کے بیجنگ میں ہونے والے چھٹے اجلاس کی تیاریاں مکمل کر لی گئیں۔ وزیر منصوبہ بندی احسن اقبال اور وزیر اعلیٰ کے پی کے بھی چینی دار الحکومت پہنچ گئے۔

پاک چین اقتصادی راہداری سے متعلق جے سی سی کا اجلاس 29 دسمبر کو ہوگا۔ اجلاس میں متعلقہ اداروں کے سربراہان، وفاقی سیکریٹریز اور دیگر اعلیٰ حکام شریک ہیں۔

جے سی سی میں شرکت کے لیے وزیر اعلیٰ خیبر پختونخواہ پرویز خٹک چین پہنچ چکے ہیں۔ دیگر صوبوں کے وزیر اعلیٰ کی شرکت بھی متوقع ہے۔ وزیر منصوبہ بندی احسن اقبال نے آج جے سی سی میٹنگ سے قبل پاکستان کی حکمت عملی کا جائزہ اور تجاویز پر تبادلہ خیال کیا۔

وزیر منصوبہ بندی کا کہنا تھا کہ صوبائی قیادت کی شمولیت سے منصوبے کو اعلیٰ سطح پر سیاسی اونر شپ ملے گی۔ انہوں نے مزید کہا کہ اجلاس میں اگلے مرحلے کے کئی منصوبوں کی منظوری متوقع ہے۔

احسن اقبال کا کہنا تھا کہ صوبوں میں صنعتی زونز کا قیام صوبائی حکومتوں کی مشاورت سے عمل میں لایا جائے گا۔ جے سی سی میں پاک چین صنعتی تعاون پر اہم پیشرفت متوقع ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top