ارجنٹائن میں ایک نوجوان صرف اس وجہ سے اپنی جان گنوا بیٹھا کیونکہ اس نے راہ چلتے ہوئے اپنے اسکول کی پرانی دوست سے خیریت دریافت کی تھی۔
غیر ملکی ذرائع ابلاغ کے ارجنٹائن کے صوبے بیونس آئرس کے شہر گونزالیز کاتان میں 23 سالہ ماریانو گرنسپن کو اس کی گرل فرینڈ نے اسے اسکی اسکول کی سابقہ دوست کی خیریت دریافت کرنے پر چاقو سے حملہ کرکے قتل کردیا۔
مقامی ذرائع کا اس حوالے سے کہنا ہے کہ یہ واقعہ 21 اکتوبر کی صبح اس وقت پیش آیا جب ماریانو گرنسپن اور اسکی گرل فرینڈ نتاشا پلاویسینو ہاتھوں میں ہاتھ ڈالے چہل قدمی کررہے تھے۔
اس موقع پر پر ماریانوکی پرانی اسکول کی دوست نظر آگئی، اس نے اس کی خیریت دریافت کی۔ اس کی دوست کو یہ سب برداشت نہ ہوا اور چاقو کے وار سے اپنے ہی دوست کی جان لے لی۔
رپورٹس کے مطابق قاتل خاتون جس کی عمر 32 سال بتائی گئی ہے وہ اس سے قبل بھی 2021 میں اپنے ایک سابق بوائے فرینڈ کے سینے پر چاقو سے حملہ کرنے کے الزام میں جیل کی ہوا کھا چکی ہے۔
برطانیہ : دو ہفتے سے لاپتہ ماں اور بچے کا سراغ مل گیا
مقتول بھی پہلے مذکورہ بالا قاتل خاتون کے خلاف پولیس کے پاس جسمانی تشدد اور دھمکیوں کی شکایت درج کرا چکا تھا تاہم اس نے بعدازاں معاملہ رفع دفع کرکے پھر سے دوستی قائم کرلی تھی۔
