The news is by your side.

Advertisement

بدانتظامی : جدہ ائیرپورٹ کے سی ای او کو برطرف کردیا گیا

کراچی : جدہ کے نارتھ ٹرمینل پر غیرمعمولی رش اور پروازوں کی روانگی میں کئی گھنٹے تاخیر کا معاملے پر ایئر پورٹ انتظامیہ نے بڑا فیصلہ کرلیا۔

جدہ ایئرپورٹ کمپنی کے بورڈ آف ڈائریکٹرز نے بد انتظامی کے الزام کے تحت کمپنی کے چیف ایگزیکٹو آفیسر (سی ای او) ریان ترابزونی کو برطرف کردیا۔

اس حوالے سے ذرائع کا کہنا ہے کہ ریان ترابزونی کی جگہ ایمن ابو ابہ کو جدہ ایئرپورٹ کا نیا سی ای او تعینات کردیا گیا ہے۔

ذرائع کے مطابق بورڈ آف ڈائریکٹرز نے سی ای او کو تبدیل کرنے کا فیصلہ ائیر پورٹ مناسب طریقے سے چلانے اور انتظامی امور میں ناکامی پر کیا گیا۔

بورڈ آف ڈائریکٹرز کا ہنگامی اجلاس گزشتہ روز طلب کیا گیا تھا جس میں گزشتہ چند دنوں کے دوران ہوائی اڈے پر ابھرتے ہوئے چیلنجوں اور ضروری مسائل پر تبادلہ خیال کیا گیا۔

سعودی وزیر ٹرانسپورٹ صالح الجاسر نے جدہ کے کنگ عبدالعزیز بین الاقوامی ہوائی اڈے پر گزشتہ دنوں ہونے والے غیر معمولی رش، افراتفری اور پروازوں کی کئی گھنٹے تاخیر کا نوٹس لیتے ہوئے معاملے کی فوری تحقیقات کا حکم دیا تھا۔

مزید پڑھیںں : جدہ ایئر پورٹ پر غیر معمولی رش کیوں؟ وجہ سامنے آگئی

واضح رہے کہ عمرہ ادائیگی کے بعد مختلف ممالک کے زائرین کی سعودی عرب سے وطن واپسی کے موقع پر بے پناہ رش کے باعث فلائٹ شیڈول شدید متاثر ہوا تھا۔

ایئر پورٹ پر سیکیورٹی چیکنگ اور مسافروں کی لمبی قطاریں لگنے کی وجہ سے امیگریشن کا عمل بھی بری طرح متاثر ہوا۔ جہازوں کی پارکنگ اور مسافروں کو جہاز تک پہنچانے کے لیے پل کی عدم دستیابی بھی تاخیر کی وجوہات میں شامل ہیں۔

Comments

یہ بھی پڑھیں