The news is by your side.

Advertisement

جدہ : طلائی زیورات بنانے والا غیرقانونی کارخانہ سیل، 9 غیرملکی ملازمین گرفتار

ریاض : سعودی حکام نے سونے کے زیورات تیار کرنے والے غیر قانونی کارخانے کو سیل کرکے 9 غیر ملکی ملازمین کو گرفتار کرلیا۔

غیر ملکی خبر رساں ادارے کی رپورٹ کے مطابق غیر قانونی کارخانے پر چھاپہ مار کارروائی سعودی عرب کے ساحلی شہر جدہ میں کی گئی جہاں غیر قانونی طور پر قائم ایک کارخانے میں سونے کے زیورات تیار کیے جاتے تھے۔

وزارت تجارت کے اہلکاروں نے خفیہ اطلاعات موصول ہونے کے بعد کارخانے کے خلاف کارروائی کی تھی، وزارت تجارت کے حکام نے کارخانے سے برآمد ہونے والا پانچ کلو سونا بھی ضبط کرلیا۔

غیر قانونی طور پر قائم کارخانے سے خالص سونے کی ’سلاخیں‘ اور ’بلاک‘ کو مائع میں تبدیل کرنے کی مخصوص مشینیں اور دیگر آلات بھی برآمد ہوئے جنہیں وزارت تجارت نے اپنی تحویل میں لے لیا۔

Comments

یہ بھی پڑھیں