The news is by your side.

Advertisement

جدہ : اسکول میں خوفناک واقعہ : طالبہ خنجر کے وار سے زخمی

جدہ : سعودی عرب کے شہر جدہ کے ایک گرلز اسکول کی طالبہ نے اپنی ساتھی کو تیز دھار آلے سے زخمی کردیا، طالبات میں کسی بات پر اختلاف ہو گیا تھا۔

خون ریزی سے بھرپور اور اخلاقیات سے گری ہوئی وڈیوز اور گیمز نے نوعمر بچوں اور نوجوانوں کو خطرناک حد تک اپنی لپیٹ میں لے لیا ہے۔

ان وڈیو گیمز کے لئے جنون کی کیفیت رکھنے والے بچوں میں برداشت کا مادہ ختم ہوتا جا رہا ہے جس کے باعث شدید ذہنی دباؤ کا شکار رہتے ہوئے نفسیاتی مرض بننے لگے ہیں۔

اس حوالے سے جدہ کے ایک اسکول میں طالبات کے درمیان جھگڑے کا خوفناک واقعہ پیش آیا ہے جسے دیکھکر لوگوں میں خوف وہراس پایا جارہا ہے۔

سعودی اخبار نے اپنے ذرائع کے حوالے سے لکھا ہے کہ جدہ کے ایک گرلز اسکول میں دو طالبات کے درمیان کسی بات پر تنازعہ ہوگیا جس پر ایک طالبہ نے تیز دھار آلے سے اپنی ساتھی پر حملہ کرکے اسے زخمی کردیا۔

اسکول انتظامیہ نے فوری طور پر مداخلت کرتے ہوئے حملہ آور طالبہ کو حراست میں لے کر اسے متعلقہ ادارے کے سپرد کیا جبکہ زخمی طالبہ کو طبی امداد کی فراہمی کیلئے فوری طور پر ہسپتال منتقل کردیا گیا۔

اطلاعات کے مطابق واقعے کی تحقیقات کے لیے ایجوکیشن آفس کی جانب سے فوری طور پر ایک کمیٹی قائم کی گئی ہے جو تمام پہلوؤں سے جائزہ لینے کے بعد اپنی رپورٹ پیش کرے گی۔

Comments

یہ بھی پڑھیں