الحمد اللہ جو خواب خان صاحب نے 22سال پہلے دیکھا وہ سچ ہونیوالا ہے، جہانگیر ترین
The news is by your side.

Advertisement

الحمد اللہ جو خواب خان صاحب نے 22سال پہلے دیکھا وہ سچ ہونیوالا ہے، جہانگیر ترین

اسلام آباد : پاکستان تحریک انصاف کے رہنما جہانگیر ترین کا کہنا ہے کہ الحمد اللہ جو خواب خان صاحب نے 22 سال پہلے دیکھا وہ سچ ہونیوالا ہے، عمران خان نے عزم ،یقین سے منزل پالی، یہ سب کیلئے قابل تقلید ہے۔

تفصیلات کے مطابق پی ٹی آئی کے چیئرمین عمران خان نے سماجی رابطے کی ویب سائٹ ٹوئٹر پر اپنے بیان میں کہا جو خواب خان صاحب نے 22سال پہلے دیکھا وہ سچ ہونے والا ہے، مشکلات آئیں مگرعمران خان نئےپاکستان کےعزم سے پیچھے نہیں ہٹے، عمران خان نے عزم ، یقین سے منزل پالی اور یہ سب کے لئے قابل تقلید ہے۔

یاد رہے اس سے قبل ملک کی 15 ویں قومی اسمبلی کا اجلاس ہوا، جس میں اسپیکرقومی اسمبلی سردار ایازصادق نے نومنتخب اراکین سے حلف لیا۔

عمران خان جب ارکان کی فہرست میں دستخط کرنے آئے تو ایوان عمران خان وزیراعظم”اور”آئی آئی پی ٹی آئی”کے نعروں سے گونج اٹھا۔

بعد ازاں اجلاس 15 اگست تک ملتوی کردیا گیا۔


مزید پڑھیں : عمران خان کو وزیراعظم بنا کر گھر چلا جاؤں گا، جہانگیر ترین


پندرہ اگست کواسپیکر اورڈپٹی اسپیکرکاانتخاب ہوگا، سترہ اگست کونئے وزیراعظم کا انتخاب ہوگا جبکہ اٹھارہ اگست کو عمران خان ملک کے نئے وزیراعظم کا حلف اٹھائیں گے۔

خیال رہےچند روز قبل  تحریک انصاف کے سینئر رہنما جہانگیر ترین نے کہا تھا کہ عمران خان کو وزیراعظم بنا کر گھر چلا جاؤں گا، نظر ثانی اپیل دائر کروں گا اگر فیصلہ حق میں آیا تو بہتر ورنہ گھر ہی بیٹھوں گا۔

Comments

comments

یہ بھی پڑھیں