The news is by your side.

Advertisement

جہانیاں : دوگروپوں میں تصادم‘ 2 افراد جاں بحق‘ 10 زخمی

خانیوال : صوبہ پنجاب کے علاقے جہانیاں میں معمولی تلخ کلامی پردوگروہوں میں تصادم کے نتیجے میں دو افراد جاں بحق جبکہ دس شدید زخمی ہوگئے۔

تفصیلات کے مطابق جہانیاں کے نواحی گاؤں چک نمبرایک سو دس آر میں تلخ کلامی پر دو گروپ آمنے سامنے آگئے، لاٹھیوں اور ڈنڈوں سے شروع ہونے والی لڑائی میں فائرنگ تک نوبت جا پہنچی۔

فائرنگ سے شوکت سہول، محمد نواز، اعظم، رمیض، راحیل، زوہیب، رامیل شدید زخمی ہوگئے جنہیں فوری طور پرنشتر اسپتال منتقل کیا گیا جہاں شوکت سہول اور محمد اعظم زخموں کی تاب نہ لاتے ہوئے دم توڑ گئے جبکہ ملزم موقع سے فرار ہوگیا۔

فائرنگ کے واقعے میں زخمی ہونے والے دیگر افراد کو تحصیل اسپتال میں طبی امداد فراہم کی جارہی ہے۔

پولیس نے موقع پر پہنچ کر کارروائی شروع کردی ہے جبکہ جاں بحق ہو نے والے دونوں افراد کی لاشیں پوسٹ مارٹم کے لیے تحصیل ہیڈ کوارٹراسپتال منتقل کر دی گئیں ہیں۔

لاہورکےعلاقےنشترکالونی میں فائرنگ‘ میاں بیوی جاں بحق

خیال رہے کہ گزشتہ ہفتے لاہور کے علاقے نشترکالونی میں رات گئے نامعلوم شخص نے گھر میں گھس کر فائرنگ کردی تھی جس کے نتیجے میں میاں بیوی جان کی بازی ہار گئے تھے ، فائرنگ کے واقعے کے بعد ملزم فرار ہوگیا تھا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں