برطانوی پروڈیوسر اور چیئرمین پی ٹی آئی کی سابق اہلیہ جمائما نے اپنے ملک کی وزیر داخلہ کو شرم دلاتے ہوئے کہا ہے کہ سویلا بریورمین کو پاکستانیوں پر جھوٹا الزام لگانے پر معافی مانگنی چاہیے۔
میڈیا ریگولیٹر کی جانب سے سامنے آنے والے فیصلے کے بعد سوشل میڈیا پلیٹ فارم ایکس پر اظہار خیال کرتے ہوئے جمائما گولڈ اسمتھ نے لکھا کہ ’برطانوی وزیرِ داخلہ سویلا بریورمین کو اپنے جھوٹے دعوے پر معافی مانگنی چاہیے۔‘
انھوں نے مزید لکھا کہ ’سویلا نے کہا تھا کہ برطانیہ میں بچوں کا جنسی استحصال کرنے والے گرومنگ گینگز زیادہ تر پاکستانی نژاد برطانوی مرد چلاتے ہیں، میڈیا ریگولیٹر نے فیصلہ دیا ہے کہ سویلا بریورمین کا یہ بیان بے بنیاد اور گمراہ کن ہے۔‘
جمائما نے اپنی پوسٹ میں بتایا کہ میڈیا ریگولیٹر اور ہوم آفس کی اپنی تحقیق میں یہ نتیجہ اخذ کیا گیا ہے کہ برطانیہ میں جنسی جرائم میں ملوث بیشتر ملزمان سفید فام ہیں۔
Home Secretary Suella Braverman @SuellaBraverman should now apologise for her claim that UK child grooming gangs were "almost all British-Pakistani men" now that press regulator Ipso has ruled that was “significantly misleading” & the Home Office’s own research concluded…
— Jemima Goldsmith (@Jemima_Khan) October 16, 2023
معروف برطانوی کاروباری خاندان سے تعلق رکھنے والی جمائما نے آخر میں برطانوی وزیر داخلہ پر طنز کرتے ہوئے کہا کہ لیکن ظاہر ہے سویلا بریورمین ایسا نہیں کریں گی۔
برطانوی وزیر داخلہ سویلا بریورمین نے ماضی قریب میں پاکستانیوں پر بے بنیاد الزام الزام عائد کیا تھا کہ وہ انگلینڈ میں جنسی جرائم میں ملوث ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں