لندن: وزیراعظم عمران خان کی سابق اہلیہ اور فلم ڈائریکٹر جمائما گولڈ اسمتھ نے پاکستانی اداکارہ کی تصویر شیئر کردی۔
واضح رہے کہ جمائما گولڈ اسمتھ انگریزی فلم بنارہی ہیں، جس میں انہوں نے پاکستانی اداکارہ سجل علی کو شامل کیا جبکہ بالی ووڈ کی سینئر اداکارہ شبانہ اعظمیٰ بھی اس فلم میں کردار ادا کرتی نظر آئیں گی۔
سجل کی برطانیہ روانگی کے بعد یہ خبریں زیرگردش تھیں کہ وہ کسی انگریزی فلم میں کام کرنے کے لیے برطانیہ گئیں ہیں البتہ اداکارہ نے اس حوالے سے کوئی تصدیق نہیں کی تھی۔
جمائما نے رواں سال پندرہ جنوری کو سماجی رابطے کی ویب سائٹ پر اپنی نئی آنے والی ہالی ووڈ فلم ’واٹس لو گاٹ ٹو ڈو وِد اٹ‘ میں شامل کاسٹ کی تفصیلات جاری کیں تھیں۔ انہوں نے اس کے ساتھ ہی سجل علی اور شبانہ اعظمیٰ کو فلم میں شامل کرنے کی تصدیق بھی کی تھی۔
مزید پڑھیں: جمائما خان نے اپنی نئی انگلش فلم میں کس پاکستانی اداکارہ کو شامل کیا؟
ہالی ووڈ فلم کی شوٹنگ لندن میں جاری ہے، اسی باعث اداکارہ سجل علی رواں سال کے آغاز پر برطانیہ پہنچیں۔ انہوں نے بتایا تھا کہ اس فلم میں سجل علی اور بھارتی اداکارہ شبانہ اعظمی کردار ادا کریں گی۔ جمائما نے دونوں کے ناموں کے ساتھ اسٹار کا نشان (ایموجی) بھی بنایا تھا۔
باز بامگ بوائے کی جانب سے شیئر کردہ ٹویٹ میں بتایا گیا تھا کہ یہ رومانوی اور مزاحیہ فلم ہوگی ۔ اس میں عاصم سی، شیکھر کپور، لِلی جیمز، ایما تھومپسن، شہزاد اور روب برائیڈون بھی اداکاری کرتے نظر آئیں گے۔
View this post on Instagram
جمائما گولڈ اسمتھ نے سماجی رابطے کی ویب سائٹ اور فوٹو ویڈیو شیئرنگ پلیٹ فارم پر اداکارہ سجل علی کی تصویر شیئر کرتے ہوئے انہیں اسٹار قرار دیا۔
