The news is by your side.

Advertisement

اسرائیلی فورسزکی شیلنگ اور فائرنگ‘ 31 فلسطینی زخمی

غزہ : امریکہ کی جانب سے یروشلم کو اسرائیلی دارالحکومت تسلیم کرنے کے بعد فلسطینیوں اوراسرائیلی سیکورٹی فورسز کے درمیان جھڑپوں کے نتیجے میں 31 فلسطینی زخمی ہوگئے۔

تفصیلات کے مطابق امریکی صدر کی جانب سے یروشلم کو اسرائیل کا دارالحکومت تسلیم کرنے کے ردعمل میں مقبوضہ غرب اردن اور غزہ میں فلسطینیوں اوراسرائیلی سیکورٹی فورسز کے درمیان جھڑپوں میں 31 فلسطینی زخمی ہوگئے۔

غیرملکی خبررساں ادارے کے مطابق زیادہ ترفلسطینی آنسو گیس اور ربڑ کی گولیوں سے زخمی ہوئے جبکہ ایک فائرنگ سے زخمی ہوا۔

خیال رہے کہ فلسطینی گروپ حماس کی جانب سے انتفادہ کی کال کے بعد اسرائیل نے غرب اردن میں فوجی اہلکاروں کی تعداد میں اضافہ کردیا ہے۔

دوسری جانب امریکہ کی جانب سے یروشلم کو اسرائیل کا دارالحکومت تسلیم کرنے کے خلاف غرب اردن اور غزہ کی پٹی میں فلسطینیوں نے ہڑتال کی اور سڑکوں پراحتجاج کیا۔

یاد رہے کہ گزشتہ روز بھی امریکہ کی جانب سے یروشلم کو اسرائیل کا دارالحکومت تسلیم کرنے کے بعد ڈونلڈ ٹرمپ کے خلاف دنیا بھر مظاہرے کیے گئے۔


امریکا نے یروشلم کو اسرائیلی دارالحکومت تسلیم کرلیا


واضح رہے کہ دو روز قبل امریکی صدر ڈونلڈ ٹرمپ نے یروشلم کو اسرائیل کا دارالحکومت تسلیم کرنے کا اعلان کرتے ہوئے کہا تھا کہ اب امریکی سفارت خانے کو باقاعدہ طور پر یروشلم منتقل کردیا جائے گا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں