The news is by your side.

Advertisement

اپنی ہی دکان میں چوری کا ڈرامہ کرنے والےملزم کے دوران تفتیش انکشافات

کراچی : شہر قائد کے علاقے کلفٹن میں واقع اپنی سونے کی دکان میں ڈکیتی کا ڈرامہ کرنے والے ملزم نے دوران تفتیش اہم انکشافات کیے ہیں، ملزم کا کہنا ہے کہ وہ سٹے میں 40لاکھ روپے کی رقم ہار گیا تھا۔

اپنی ہی دکان میں چوری کی واردات کا ڈرامہ کرنے والے ملزم نے پولیس کے سامنے پوری کہانی سنادی، ملزم آصف نے انکشاف کیا کہ سٹے میں40 لاکھ روپے ہار گیا تھا قرضہ اتارنے کیلئے ڈرامہ کیا۔

کلفٹن تین تلوار پر سنار کی دکان میں مبینہ چوری کی واردات کے ڈراپ سین کے بعد گرفتار ملزم اور دکان کے مالک ملزم آصف نے دوران تفتیش اہم انکشافات کیے ہیں۔

ملزم آصف نے پولیس کو بیان دیا کہ سٹہ کھیلتے ہوئے 40 لاکھ روپے ہار گیا تھا، اور80لاکھ روپے کا قرضہ دینے کے لیے میں نے چوری کا ڈرامہ کیا، واردات انجام دینے کیلئے پوری پلاننگ کی تھی۔

ملزم نے بتایا کہ فول پروف چوری کیلئے اپنے دوست وسیم کو بھی ساتھ شامل کیا، وسیم کو رقم میں سے 10 فیصد دینے کا کہا تھا، اپنی دکان پر کام کرنے والے تینوں ملازمین کو6بجے چھٹی دے دی اور خود بھی ملازمین کے سامنے دکان بند کرکے چلا گیا۔

مزید پڑھیں : سونے کی دکان کے مالک کی اپنی ہی دکان میں ڈکیتی

ملزم آصف کا کہنا تھا کہ وہ ایک گھنٹے بعد دوبارہ دکان پر واپس آیا اور سونا چوری کیا، سی سی سٹی وی کیمروں کے تار کاٹ دیئے تھے،سوچا ایسا کرنے سے پکڑا نہیں جاؤں گا، سونا وسیم کے آفس میں لے جا کر حفاظت سے رکھ دیا۔

ملزم کے مطابق واردات مکمل کرنے کے بعد پانچ ہزار کا گرینڈر لیا اور وسیم کے آفس میں ہی گرینڈر سے تالے کاٹنا شروع کیے، اس کے بھائی ابراہیم نے پولیس کے سامنے میں زیادہ سونے کا ذکر کردیا۔

Comments

یہ بھی پڑھیں