کراچی: سنارکی دکان میں ڈکیتی کی کوشش ناکام، دو ڈاکو گرفتار -
The news is by your side.

Advertisement

کراچی: سنارکی دکان میں ڈکیتی کی کوشش ناکام، دو ڈاکو گرفتار

کراچی : پولیس نے کامیاب کارروائی کرتے ہوئے کریم آباد میں سنار کی دکان میں ڈکیتی کرنے والے ڈاکوؤں کو گرفتار کر کے اسلحہ برآمد کرلیا۔

تفصیلات کے مطابق کراچی کے علاقے کریم آباد میں دو ڈاکو ایک جیولری شاپ میں داخل ہوئےاور اسلحہ کے زور پر لوٹ مار شروع کردی۔

دکان کے باہر موجود گارڈ نے ڈاکوؤں سے مزاحمت کی جس پر ڈاکوؤں نے گارڈ کوتشدد کا نشانہ بنا کر زخمی کردیا، شورشرابے کی آواز سن کر شہری بھی موقع پر جمع ہوگئے، شہریوں نے ڈاکوؤں کو قابو کرکے ان کی دھنائی کرڈالی۔

مزید پڑھیں: گلشن اقبال میں ڈاکو دکان سے نقدی اورگوشت لے کرفرار

شہریوں کی بروقت اطلاع پر پولیس موقع پر پہنچ گئی، ایس پی بشیر بروہی کے مطابق پولیس نے دونوں ملزمان کو گرفتارکرکے ان کے قبضے سے ایک پستول اور چاقو برآمد کرلیا ہے۔


مزید پڑھیں: حیدری مارکیٹ، سنارکی دکان میں لاکھوں مالیت کی ڈکیتی


ایس پی کا کہنا ہے کہ مذکورہ ملزمان اس سے قبل بھی متعدد وارداتوں میں بھی ملوث رہے ہیں، پولیس نے ملزمان کیخلاف مقدمہ درج کرکے مزید تفتیش کا آغاز کردیا ہے۔

Comments

comments

یہ بھی پڑھیں