site
stats
پاکستان

پاک فضائیہ نے جے ایف 17تھنڈر کا پیداواری ہدف حاصل کرلیا

اسلام آباد: چین کے تعاون سے تیار کئے گئے جے ایف تھنڈر طیاروں کی پیداوار کا سالانہ ہدف پورا کرلیا گیا، اس سال پاکستان ایروناٹیکل کمپلکس نے سولہواں طیارہ پاک فضائیہ کے حوالے کردیا.

پاک فضائیہ کے ترجمان کے مطابق سالانہ سولہ جے ایف تھنڈر طیارے بنائے جارہے ہیں اور نئے سال سے ایروناٹیکل کمپلکس کی پیداواری گنجائش بڑھانے کا فیصلہ کیا گیا ہے۔

جے ایف تھنڈر سیونٹین چینی ماہرین کی مدد سے پاکستان میں تیار کیا جانے والا کم وزن ملٹی رول طیارہ ہے جو آواز کی رفتار سے دوگنی رفتار سے پچپن ہزار فٹ کی بلندی تک پرواز کرنے کی صلاحیت رکھتا ہے، پاکستان اپنی ضروریات کے علاوہ یہ طیارے دیگر ممالک کیلئے بھی بنا رہاہے ۔

ماہرین کا کہنا ہے کہ پاکستانی جے ایف 17 تھنڈر طیاروں کی قیمت امریکی ایف سولہ طیاروں سے سولہ سے اٹھارہ لاکھ ڈالر کم ہے۔ جے ایف سترہ تھنڈر طیاروں ، پاکستانی ساختہ ٹینکوں اور ڈرون طیاروں کی فروخت سے پاکستان کو کثیر زرمبادلہ حاصل ہوگا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top