تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

چنیوٹ: دن دیہاڑے اسسٹنٹ کمشنر جھنگ کا قتل

چنیوٹ: صوبہ پنجاب کے ضلع جھنگ میں افسوسناک واقعہ پیش آیا ہے، جہاں دن دیہاڑے اسسٹنٹ کمشنر جھنگ عمران جعفر وربھو کو موت کے گھاٹ اتاردیا گیا ہے۔

ذرائع کے مطابق تھانہ لنگرانہ کے علاقہ میں اسسٹنٹ کمشنر جھنگ عمران جعفر کو تلخ کلامی کے بعد موت کے گھاٹ اتار دیا گیا، وہ اپنے آبائی گھر چک 237 میں آئے ہوئے تھے کہ رشتہ داروں نے فائرنگ کرکے قتل کردیا ۔

پولیس ذرائع کا کہنا ہے کہ مقتول اسسٹنٹ کمشنر کا اپنے چچازادبھائیوں سےسیوریج کا تنازعہ چل رہاتھا، عمران جعفر کو مبینہ طور پر ان کے کزن سہیل اور دیگر نے فائرنگ کرکے قتل کیا۔

پولیس کے مطابق افسوسناک واقعے کی اطلاع ملتے ہی تھانہ لنگرانہ پولیس موقع پر پہنچی، لاش کو پوسٹ مارٹم کیلئے ٹی ایچ کیو اسپتال بھوانہ منتقل کیا اور جائے وقوعہ سے شواہد اکٹھے کئے۔

وزیراعلیٰ پنجاب عثمان بزدار نے فائرنگ سےاسسٹنٹ کمشنر جھنگ کےجاں بحق ہونےپر اظہار افسوس کرتے ہوئے لواحقین سے دلی ہمدردی و اظہار تعزیت کیا ہے۔

یہ بھی پڑھیں: گوادر: لاپتہ پائلٹ اجمل قاضی کی لاش مل گئی

وزیراعلیٰ نے واقعے سے متعلق آئی جی سے رپورٹ طلب کرتے ہوئے ملزمان کی جلد گرفتاری کی ہدایت کی ہے، عثمان بزدار کا کہنا تھا کہ ملزمان کو قانون کی گرفت میں لا کر مزید کارروائی کی جائے۔

دوسری جانب چنیوٹ میں اسسٹنٹ کمشنر عمران جعفر کے قتل پر ڈی پی او جھنگ موقع پرپہنچے، انہوں نے ٹی ایچ کیو ہسپتال بھوانہ اور جائے وقوع کا جائزہ لیا، ڈی پی او نے لواحقین سے ملاقات کرتے ہوئے اظہار تعزیت کیا اور انہیں انصاف فراہمی کی یقین دہانی کرائی۔

Comments

- Advertisement -