site
stats
انٹرٹینمںٹ

جھانوی کپور بچپن میں کیسی نظر آتی تھیں؟ تصویر وائرل

ممبئی: بالی ووڈ انڈسٹری سے وابستہ شخصیات مداحوں کے ساتھ رابطے میں رہنے کے لیے سماجی رابطے کا سہارا لیتی ہیں۔ 

تفصیلات کے مطابق ماضی کی مشہور ترین دلکش اداکارہ سری دیوی کی بیٹی جھانوی کپور ان دنوں خبروں کی زینت بنی ہوئی ہیں، بالی ووڈ اداکارہ سری دیوی کی بیٹی جھانوی کپور کی بچپن کی تصویر نے سوشل میڈیا پر دھوم مچادی ہے۔

جھانوی کپور نے شوبز انڈسٹری میں قدم رکھ دیا اور وہ اپنی پہلی فلم ’دھڑک‘ کے نام سے کررہی ہیں جس کے پوسٹر جاری کردیے گئے جبکہ فلم آئندہ سال 6 جولائی کو ریلیز کی جائے گی۔

مزید پڑھیں: سری دیوی کی بیٹی جھانوی کپور کی فلم ’دھڑک‘ کے پوسٹرز ریلیز

تصویر دیکھنے کے لیے نیچے جائیں

قبل ازیں یہ فلم مراٹھی زبان میں ’سیرت‘ کے نام سے ریلیز کی گئی تھی تاہم اب اسے شائقین کے لیے ہندی زبان میں ’دھڑک‘ کے نام کے ساتھ پیش کیا جارہا ہے۔

سری دیوی کی بیٹی ہونے کے ساتھ ساتھ جھانوی کو اپنی صلاحیتوں پر بہت بھروسہ ہیں اس لیے اُن کے مداحوں کی تعداد روز بہ روز بڑھتی جارہی ہے اور وہ کامیاب اداکارہ ثابت ہورہی ہیں۔

جھانوی کپور بچپن میں کس طرح نظر آتی تھیں حال ہی میں اُن کی والدہ کے ساتھ ایک تصویر منظر عام پر آئی جسے دیکھ کر مداح حیران رہ گئے۔

علاوہ ازیں مختلف اوقات میں جھانوی سماجی رابطے کی ویب سائٹس پر اپنی حالیہ تصاویر بھی شیئر کرتی ہیں جنہیں مداحوں کی جانب سے سراہا جاتا ہے۔

گزشتہ برس اگست میں سری دیوی کی صاحبزادی کی کچھ متنازع تصاویر انٹرنیٹ پر وائرل ہوئی تھیں جس پر انہیں شدید تنقید کا نشانہ بنایا گیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top