واشنگٹن: امریکی وزیر خارجہ جان کیری نے اپنے دورہ جنوبی ایشیا کا اعلان کردیا جس میں دورہ بنگلہ دیش اور بھارت شامل ہیں تاہم پاکستان کو پھر نظر انداز کردیا گیا۔
اسٹیٹ ڈپارٹمنٹ کے مطابق امریکی وزیر خارجہ جان کیری 29 اگست کو ڈھاکا اور 30 اگست کو نئی دہلی کا دورہ کریں گے تاہم پاکستان کو اس بار بھی خاطر میں نہ لاتے ہوئے نظر انداز کردیا گیا ہے۔
خبر رساں ادارے کے مطابق جان کیری اس وقت سعودی عرب پہنچ گئے ہیں جہاں وہ سعودی حکام سے خطے کی صورتحال پر بات کریں گے۔
ذرائع کا کہنا ہے کہ اس ملاقات میں نائن الیون کیس کی تحقیقات کے حوالے سے بھی بات کی جائے گی جس کی رپورٹ منظر عام پر لانے پر سعودی عرب نے امریکا سے اپنی سرمایہ کاری ختم کرنے کا عندیہ دیا تھا جواب میں امریکا کی جانب سے ابھی تک رپورٹ منظر عام پر نہیں لائی گئی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں