The news is by your side.

Advertisement

پیٹرولیم مصنوعات میں ہوشربا اضافہ، جماعت اسلامی کا سڑکوں پر آنے کا اعلان

کراچی: امیر جماعت اسلامی کراچی حافظ نعیم نے پیٹرولیم مصنوعات کی قیمتوں میں اضافے کو ظالمانہ اقدام قرار دیتے ہوئے احتجاج کا اعلان کردیا ہے۔

تفصیلات کے مطابق کراچی میں پریس کانفرنس کرتے ہوئے حافظ نعیم نے کہا کہ پیٹرولیم مصنوعات میں ہوشربا اضافہ ناقابل قبول ہے، کل پورےشہرمیں احتجاج کریں گے، آئی ایم ایف کے دباؤ پر پیٹرولیم مصنوعات کی قیمتوں سے لوگوں کو برباد کیاجارہاہے اس پر خاموش نہیں رہاجاسکتا۔

امیر جماعت اسلامی کراچی نے سوال کیا کہ گیس اورپیٹرول کے پلانٹس کو کیوں نہیں ایکسپلور کیاجارہا؟ اگر تیس 0فیصدسستاپیڑول مل رہاتھاتو کیوں نہیں لیا؟عمران خان نےجیسے خط لہرایاتھا اسی طرح معاہدے کو بھی سامنے لاتے، ان حکومتوں نے اپنی اپنی سیاست کی ،پاکستان کوبدنام کیا، اسدعمر،مفتاح اسماعیل اپنی جیب سےپیٹرول ڈلوائیں تو انہیں احساس ہوگا۔

حافظ نعیم نے الزام عائد کیا کہ پچھلی حکومت اور موجودہ حکومت آئی ایم ایف کی غلامی کررہے ہیں، ہم دوستی بھی غلامی کی سطح پر کرتے ہیں، موجودہ حکومت نے چھ روزمیں دومرتبہ عوام پرپیٹرول بم گرایا، ایک کلوآئل کی قیمت 600روپے کردی گئی ہے، ارباب اقتدار سے پوچھنا چاہتا ہوں کہ ٹیکس کا پیسہ کہاں جاتاہے، کراچی شہر سےجو ٹیکس لیاجاجاتاہےاس کاحساب دیاجائے۔

اپنی پریس کانفرنس میں امیر جماعت اسلامی کراچی نے آئی بی اے ٹیسٹ پاس اساتذہ کی تقرری کا مسئلے پر گفتگو کرتے ہوئے کہا کہ سندھ حکومت نےکہا کہ اساتذہ کو تعینات کریں گے، اساتذہ کو ٹیسٹ پاس کرنےکے بعد بھی تعینات نہیں کیا گیا، جولوگ میرٹ پر ہیں انکو بھی سندھ حکومت تعینات نہیں کررہی حیلے بہانے کئے جارہے ہیں جس کے باعث پاس اساتذہ میں شکوک وشبہات پائے جاتے ہیں۔

Comments

یہ بھی پڑھیں