اسلام آباد: پاناما اسکینڈل کی تحقیقات میں رکاوٹ اور کرپشن کیخلاف جماعت اسلامی بھی میدان میں آگئی، امیر جماعت اسلامی سراج الحق نے اعلان کیا ہے کہ آٹھ ستمبر کو دھرنا دیا جائے گا۔
تفصیلات کے مطابق جماعت اسلامی آٹھ ستمبر کو اسلام آباد میں حکومتی کرپشن اور پانامہ لیکس کی تحقیقات میں رکاوٹ کیخلاف دھرنا دیگی، امیر جماعت اسلامی سراج الحق آٹھ ستمبر کو آئندہ کے لائحہ عمل کا اعلان کرینگے۔
پشاور میں تقریب سے خطاب کرتے ہوئے امیر جماعت اسلامی کا کہنا تھا کہ پاناما اسکینڈل کو پانچ ماہ گزر گئے نیب نے کچھ نہیں کیا۔
سراج الحق کا کہنا تھا کہ حکومت عوام کی حفاظت نہیں کرسکتی تو اقتدار چھوڑ دے، حکومت احتساب کے اداروں کو ناکام بنارہی ہے، بدیانت حکمرانوں کی موجودگی میں ملکی سالمیت کو خطرہ ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں