لاہور: جماعت اسلامی کے امیر سراج الحق نے کہا ہےکہ خواتین کے حقوق کے علمبردار سارا سال خاموش رہتے ہیں، جماعت اسلامی خواتین کے مسائل کو سارا سال اجاگر کرتی ہے اور اُن کے حقوق کو اچھی طرح سے اجاگر کرتی ہے۔
عالمی یوم خواتین کے موقع پر خصوصی پیغام میں سراج الحق نے کہا کہ جہیز کی لعنت نے غریب کے لیے مشکلات پیدا کردی ہیں، اس باعث وہ اپنی بچیوں کی شادیاں نہیں کرسکتے۔
انہوں نے کہا کہ خواتین کو اسلام نے جو حقوق دیے ہمارے معاشرے میں نہیں دئیے گئے، اگر خواتین کو شریعت کے مطابق حقوق دیے جائیں تو وہ بہت بہتر زندگی گزار سکتی ہیں۔
امیر جماعت اسلامی نے کہا کہ خواتین کے حقوق کے علمبردار سارا سال خاموش رہتے ہیں اور صرف ایک ہی دن شور مچاتے ہیں جبکہ جماعت اسلامی خواتین کے حقوق کے لیے سارا سال جدوجہد کرتی ہے کیونکہ ہم خواتین کی ترقی پر یقین رکھتے ہیں۔
