پشاور : رہنما جماعت اسلامی عنایت اللہ کا کہنا ہے کہ خدشہ ہے زخمی اب بھی ملبے کے نیچے ہیں کیونکہ ملبے کے اندر سے اب بھی آوازیں آرہی ہیں۔
تفصیلات کے مطابق رہنما جماعت اسلامی عنایت اللہ پولیس لائنز میں دھماکے کی جگہ پہنچے ، اس موقع پر اے آر وائی نیوز سے گفتگو کرتے ہوئے انھوں نے بتایا کہ دھماکے سے مسجد کےاندر ایک حصہ شہید ہوگیا ہے اور ملبے کے اندر سے اب بھی آوازیں آرہی ہیں۔
رہنما جماعت اسلامی کا کہنا تھا کہ ملبے کےاندر سے ایک رشتےدارکی کال آئی ،مجھے نکالاجائے، سی سی پی او اور کمشنر سے کہا ہے کہ لوگوں کو جلد سے جلد نکالاجائے۔
اسلامی عنایت اللہ نے خدشہ ظاہر کیا کہ زخمی اب بھی ملبے کے نیچے ہیں، زخمیوں کے خدشے پیش نظرملبے کو احتیاط سے ہٹایا جا رہا ہے۔
انھوں نے کہا کہ پاک فوج، ریسکیو 1122 امدادی سرگرمیوں میں مصروف ہے، لوگوں کا کہنا ہے کہ یہ خودکش دھماکا تھا۔