تبدیلی صرف اشیا کی قیمتوں میں آئی ہے، امیر جماعت اسلامی سراج الحق -
The news is by your side.

Advertisement

تبدیلی صرف اشیا کی قیمتوں میں آئی ہے، امیر جماعت اسلامی سراج الحق

پشاور: امیر جماعت اسلامی پاکستان سراج الحق نے کہا ہے کہ حکمرانوں نے کبھی قوم کے ساتھ وفا نہیں کی، موجودہ حکومت میں بھی تبدیلی صرف اشیا کی قیمتوں میں آئی ہے۔

تفصیلات کے مطابق امیرِ جماعت اسلامی نے حکومت پر تنقید کرتے ہوئے کہا کہ تبدیلی کے نعرے کے ساتھ آنے والی حکومت میں تبدیلی صرف اشیا کی قیمتوں میں آئی ہے۔

مدینے کی ریاست کی بات تو کی گئی مگر قدم نہیں اٹھایا گیا: امیر جماعت اسلامی

سراج الحق کا کہنا تھا کہ ملک پر مسلط سودی نظام اور قرضوں کے انبار نے حکمرانوں کو بھی پریشان کر دیا ہے۔ خیال رہے کہ پی ٹی آئی حکومت نے آئی ایم ایف سے کم سے کم قرضہ لینے کے لیے سعودی عرب سے بڑی امداد کے حصول میں کام یابی حاصل کر لی ہے۔

امیرِ جماعت اسلامی کا کہنا تھا کہ مدینے کی ریاست کی بات تو کی گئی مگر قدم نہیں اٹھایا گیا۔ وزیرِ اعظم عمران خان نے قوم سے خطاب میں کہا تھا کہ وہ پاکستان میں مدینے کی ریاست کی تعمیر کریں گے۔


یہ بھی پڑھیں:  ملک میں جمہوریت کے لیے جمہوری اداروں کا استحکام ضروری ہے، سراج الحق


انھوں نے کہا کہ جماعت اسلامی واحد پارٹی ہے جس میں کوئی گروپ بندی نہیں، سیاسی پارٹیاں خود بھی جمہوریت پر یقین نہیں رکھتیں، اس لیے ان میں مطلق العنانیت قائم ہے۔

خیال رہے کہ گزشتہ روز بھی سراج الحق نے لاہور میں سیاسی جماعتوں کو تنقید کا نشانہ بناتے ہوئے کہا تھا کہ جمہوریت کی راہ میں اصل رکاوٹ سیاسی جماعتوں کے نام پر خاندانوں، لسانیت اور شخصیت کے گرد گھومنے والی جماعتیں ہیں۔

Comments

comments

یہ بھی پڑھیں