نیوزی لینڈ کے آل راؤنڈر جمی نیشم نے جنوبی افریقا کے خلاف ٹی 20 میچ میں بابر اعظم اور ویرات کوہلی کا منفی ریکارڈ برابر کردیا۔
نیوزی لینڈ کے آل راؤنڈر جمی نیشم نے ہرارے اسپورٹس کلب میں جنوبی افریقا کے خلاف سہ ملکی ٹی 20 میچ کے دوران ویرات کوہلی اور بابر اعظم کو ناپسندیدہ ٹی 20 ریکارڈ برابر کردیا۔
نیشم دوسری گیند پر صفر پر آؤٹ ہوئے جو ٹی 20 انٹرنیشل میں ان کا ساتویں مرتبہ بغیر کوئی رن بنائے آؤٹ ہونا تھا۔
کیوی آل راؤنڈر اس کے ساتھ 43 کھلاڑیوں کی فہرست میں شامل ہوگئے جنہوں نے ٹی 20 میں سات ’ڈک‘ حاصل کی ہیں جن میں بھارت کے ویرات کوہلی، پاکستان کے بابر اعظم اور محمد حفیظ، جنوبی افریقا کے کوئنٹن ڈی کاک اور انگلینڈ کے جیسن رائے شامل ہیں۔
سب سے زیادہ ٹی 20 میں صفر پر آؤٹ ہونے کا ریکارڈ اس وقت روانڈا کے زیپی اور کیون ایراکوزی، بنگلادیش کے سومیا سرکار، سری لنکا کے دسن شناکا اور آئرلینڈ کے پال اسٹرلنگ کے پاس ہے، یہ کھلاڑی 13 مرتبہ صفر پر آؤٹ ہوئے۔
علاوہ ازیں نیشم نے ساتھی آل راؤنڈر کولن ڈی گرینڈ ہوم کو بھی پیچھے چھوڑ دیا جو اس سے قبل چھ مرتبہ ڈک پر آؤٹ ہوئے تھے۔
نیوزی لینڈ کی جانب سب سے زیادہ 7 مرتبہ جمی نیشم صفر پر آؤٹ ہوئے اس کے بعد کولن ڈی گرینڈ ہوم، ایش سودھی، ٹم ساؤتھی، راس ٹیلر 6 مرتبہ ڈک پر آؤٹ ہوئے، فن ایلن پانچ مرتبہ کھاتا کھولے بغیر پویلین لوٹ گئے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں