آل پاکستان بین الکلیاتی مباحثہ جناح سندھ میڈیکل یونیورسٹی کراچی نے جیت لیا -
The news is by your side.

Advertisement

آل پاکستان بین الکلیاتی مباحثہ جناح سندھ میڈیکل یونیورسٹی کراچی نے جیت لیا

کراچی : جناح سندھ میڈیکل یونیورسٹی کراچی نے پی اے ایف اکیڈمی اصغرخان میں منعقدہ آل پاکستان بین الکلیاتی مباحثہ جیت لیا، تقریب کے مہمان خصوصی ائیرچیف مارشل مجاہد انور خان نے طلبہ میں انعامات تقسیم کیے۔

تفصیلات کے مطابق پی اے ایف اکیڈمی اصغر خان میں منعقدہ بین الکلیاتی مباحثہ جناح سندھ میڈیکل یونیورسٹی کراچی کے طلباء نے جیت لیا، پاک فضائیہ کے سربراہ ائیرچیف مارشل مجاہد انور خان اس تقریب کے مہمان خصوصی تھے۔

اس مباحثے میں پاکستان بھر سے49 نمایاں تعلیمی اداروں کے طلبہ و طالبات شریک ہوئے۔ پاک فضائیہ کے سربراہ ائیرچیف مارشل مجاہد انور خان نے جیتنے والوں میں ٹرافیاں اور انعامات تقسیم کیے۔

انگریزی مباحثہ میں پہلا انعام جناح سندھ میڈیکل یونیورسٹی کراچی کی ثناء زہرا کو دیا گیاجبکہ دوسرا انعام کراچی یونیورسٹی کی مومل عزیز نے جیتا۔

اردو مباحثہ میں پہلا انعام کیڈٹ کالج اورماڑا،گوادر کے ابو ہریرہ نے حاصل کیا اور دوسرے انعام کی حقدار جناح سندھ میڈیکل یونیورسٹی کراچی کی ماہ جبیں ٹھہریں۔

آل پاکستان بین الکلیاتی مباحثہ1974سے پی اے ایف اکیڈمی اصغرخان کے تعلیمی کیلنڈر کا مستقل حصہ چلا آرہا ہے اور اسے ملک بھر میں منعقد ہونے والے تمام مباحثوں میں نمایاں حیثیت حاصل ہے۔

پی اے ایف اکیڈمی اصغر خان میں ملک بھر سے جذبے سے بھر پور ٹیمیں اکٹھی ہوتی ہیں اور مباحثے میں بھر پور شرکت کر تی ہیں۔

Comments

comments

یہ بھی پڑھیں